Сапаны бақылау. Кез келген өндірістік үдерістің ажырамас
бөлігі техникалық бақылау болып табылады. Бірлестіктер мен
кәсіпорындарда оны жүзеге асыру үшін техникалық бақылаудың
арнайы бөлімдері (ТББ) болады, олардың негізгі қызметі өндіріс
барысында сәйкес талаптардың сақталуын қамтамасыз етуден ғана
емес, сонымен қатар, сапасыз өнімдері шығару мүмкіндігін
ескертуден тұрады.
Кәсіпорын дайындаған барлық өнім оны ТББ қабылдағаннан
кейін ғана тұтынушыларға жеткізілуі тиіс. Көптеген жағдайларда
мұндай қабылдау өндіріс цехтарына шикізат пен материал және бір
цехтан екіншісіне жартылай дайын өнімдерді беру кезінде қажет.
техникалық бақылау бөлімдері олардың себебін жойғанша,
қайталанатын ақаулары бар өнімнің қабылдауды тоқтатуға,
белгіленген технологияны сақтауды қамтамасыз етпейтін жеке
білдектерде, агрегаттарда, учаскелер мен цехтарда өнімді
дайындауға және оларға қойылатын талаптарға тыйым салуға,
кәсіпорын
басшылығына
сапасыз
өнім
шығаруға
кінәлі
жұмысшыларды жауапкершілікке тарту туралы ұсыныс жасауға
құқығы бар.
Құрылыста орындалатын жұмыстың сапасына аралық
бақылауды әдетте құрылыс ұйымдарының ішінде құрылған
комиссия жүзеге асырады. Бірқатар жағдайларда бұл комиссияға
жобалық ұйым өкілдері және Мемлекеттік бақылау инспекциялары
кіреді. Аралық бақылау құқығын тапсырыс беруші де пайдалана
алады. Аяқталған құрылыс нысандарын қабылдауды мемлекеттік
қабылдау комиссиясы жүзеге асырады. Олар байқаған барлық
жоюға болатын ақаулар мен аяқталмаған жерлер ақау тізімдемесіне
енгізіледі және оларды жою үшін белгілі бір мерзім орнатылады.
Барлық кемшіліктерді жойғаннан кейін ғана комиссия нысанды
пайдалануға қабылдау туралы актіге қоял қояды және
құрылысшылар жұмысына баға береді.
