Тепе-теңдік күйі деп жүйе күйінің уақытқа байланысты өзгермейтін күйі аталады. Мұнда зат та, энергия да жүйеге енбейді. Тепе-теңдік күйді стационарлық күйден айыра білу керек. Екеуінде де жүйе күйі уақытқа байланысты өзгермейді. Стационарлық күй кезінде жүйеге зат немесе энергия келіп тұрады.
Химиялық реакциялар жүргенде көптеген өзгерістер болады: бастапқы әрекеттесуші заттарда химиялық байланыстар үзіледі және соңғы алынатын өнімдерде жаңа байланыстар түзіледі. Бұл жүйедегі өзгерістер энергияның бөлінуі немесе сіңірілуі нәтижесінде жүреді.
