Соңғы жылдары Қазақстан Республикасында вирусты гепатит А (ВГА) бойынша эпидемиологиялық ахуал жақсарды. Әлемнің басқа елдерімен салыстырғанда Қазақстанда ВГА-мен ауыратындар деңгейінің төмендегені байқалады. Алайда республикада бұл сырқатқа көбінесе 14 жасқа дейінгі балалар шалдығады. Әсіресе, 2 жастан бастап 9 жасқа дейінгі балалар жиі ауырады. Жеткіншектердің бұл дертке шалдығуы көп жағдайда жазғы кезеңде контаминирленген (ластанған) суды, көкөністердің көп мөлшерін қолданғанда және суға түскенде пайда болады.
Соңғы жылдары Қазақстан Республикасында вирусты гепатит А (ВГА) бойынша эпидемиологиялық ахуал жақсарды. Әлемнің басқа елдерімен салыстырғанда Қазақстанда ВГА-мен ауыратындар деңгейінің төмендегені байқалады. Алайда республикада бұл сырқатқа көбінесе 14 жасқа дейінгі балалар шалдығады. Әсіресе, 2 жастан бастап 9 жасқа дейінгі балалар жиі ауырады. Жеткіншектердің бұл дертке шалдығуы көп жағдайда жазғы кезеңде контаминирленген (ластанған) суды, көкөністердің көп мөлшерін қолданғанда және суға түскенде пайда болады.
Қазақстанда 1999 – 2000 жылдардан бастап ҚР Үкіметінің қаржылай қолдауымен балаларды вакцинациялау шарасы Маңғыстау облысында (ВГА-ға шалдығушылықтың жоғары көрсеткіші), кейін жергілікті бюджеттің қаржыландыруымен басқа облыстарда басталды. Соның нәтижесінде, 2000 жылы – 23475 жағдай тіркелсе, 2009 жылы бұл көрсеткіш 5018 – ге төмендеді.
Осы аурудың алдын алу бойынша ересек тұрғындардың саналы жауапкершілік деңгейін арттыру, балалар арасында жеке және қоғамдық гигиенаны сақтаудың базалық дағдыларын қалыптастыру қажет.
Вирусты гепатит – кең тараған және қауіпті ауру болғандықтан, оны емдегеннен гөрі алдын алу жеңіл. Адамдар, әсіресе жастар, «гепатит» дегеннің не екенін, ол ауруды болғызбас үшін өздерін қалай ұстауды біле бермейді.
Вирусты гепатит – кең тараған және қауіпті ауру болғандықтан, оны емдегеннен гөрі алдын алу жеңіл. Адамдар, әсіресе жастар, «гепатит» дегеннің не екенін, ол ауруды болғызбас үшін өздерін қалай ұстауды біле бермейді.
А және Е гепатиттері нәжіс және ауыз жолымен берілетін болғандықтан, оның алдын алу оңай, тек гигиена ережелерін (тамақ ішерде, дәретханадан кейін қол жуу, жуылмаған көкөністерді, жемістерді қолданбау, қайнамаған суды ішпеу) сақтау керек.
Қауіп-қатер тобына кіретін үлкендер мен балалар үшін А гепатитіне қарсы егу жүргізіледі.
Үлкендер мен жасөспірімдер бұл ауруға қарсы егуді өз еріктерімен жасатады, ал қауіп–қатер тобындағыларға міндетті түрде егілу талап етіледі.
Қауіп–қатер тобына: медицина қызметкерлері, қан құйылған аурулар, нашақорлар, В гепатиті кең тараған елдерде тұратын немесе ол жаққа жиі баратын сапар шегушілер, ауру адамы бар отбасы жатады.
Өкінішке қарай, С гепатитіне қарсы вакцина әлі жоқ. Сол үшін жастар арасында түсіндіру шараларын көп жүргізу қажет.
