8. Жүсіпбек Аймауытов көшесі Сәкен Сейфуллин көшесінен басталып, Ықылас Дүкенұлы көшесінде аяқталады. Қарағанды, Әлібі Жангелдин, Иван Панфилов көшелерімен, Бөгенбай батыр даңғылын қиып өтеді. Ұзындығы - 1100,9 м.Жүсіпбек Аймауытов (1889-1931) - жазушы, драматург, аудармашы, зерттеуші, публицист. «Қартқожа», «Ақбілек» романдары мен «Күнікейдің жазығы» повесі, «Шернияз», «Ел қорғаны», «Мансапқорлар» пьесаларының авторы.
9. Зеренді көшесі Талғар көшесінен басталып, Жанкент көшесінде аяқталады. Обаған, Ақсу-Аюлы көшелерімен қиылысады. Ұзындығы - 616,2 м. Бұрынғы атауы №48 көше. Оңтүстік-Шығыс тұрғын алабы (оң жақ).
Зеренді - Есіл алабындағы тұйық көл. Ақмола облысының Зеренді ауданында орналасқан. Зеренді көлінің табиғаты өте әсем, оны қалың қарағайлы аласа таулар қоршаған.
