Учебная программа дисциплин по специальности 5В060500 «ядерная физика»

MT 1207 МАТЕМАТИКАЛЫҚ ТАЛДАУ 2 
 
Көлемі - 3 кредит 
 
Авторлар: 
Биядилов Н.Б. – физика-математика ғылымдарының кандидаты, 
механика-математика факультеті дифференциалдық теңдеулер және басқару 
теориясы кафедрасының доценті 
Жапсарбаева Л.К. – физика-математика ғылымдарының кандидаты, 
механика-математика факультеті дифференциалдық теңдеулер және басқару 
теориясы кафедрасының доцентінің міндетін атқарушы 
Айтжанов С.Е. – физика-математика ғылымдарының кандидаты, 
механика-математика факультеті дифференциалдық теңдеулер және басқару 
теориясы кафедрасының доцентінің міндетін атқарушы 
 
Пікір жазғандар: 
Жиенәлиев М.Т.– физика-математика ғылымдарының докторы, ҚР БҒМ 
ҒК Математика және математикалық моделдеу институтының профессоры
 
Шерниязов Қ.Е.– физика-математика ғылымдарының кандидаты,
әл-Фараби атындағы Қазақ ұлттық университеті механика-математика 
факультеті іргелі математика кафедрасының доценті 
ТҮСІНДІРМЕ ХАТ 
Пәнді оқытудың мақсаты мен міндеттері 
«Математикалық талдау 2» пәні классикалық математикалық талдаудың 
бір бөлігі. Бұл пәнде зерттелетін негізгі объекті ең алдымен функция болып 
табылады. Табиғат, қоғам заңдары, техниканың, экономиканың түрлі есептері 
әртүрлі функциялар мен олардың туындысы арқылы сипатталады, сондықтан, 
мұндай есептерді зерттеу үшін функциялардың түрлі қасиеттерін және оларды 
зерттеудің күшті әдістерін білу талап етіледі. Сондықтан да математикалық 
талдау жаратылыстану – математикалық білімнің құрамды бөлігі болып 
табылады. 
Пәннің мақсаты – студенттерді көп айнымалы функциялардың дифферен-
циалдық және интегралдық есептеулерінің, сандық және функционалдық 
қатарларды, Фурье қатарлары, меншіксіз интегралдарды, еселі интегралдарды, 
қисықсызықты интегралдарды және беттік интегралдарды зерттеудің іргелі 
әдістерімен таныстыру. Бұл пәннің қарастырылатын негізгі мәселесі 
интегралдық есептеулер теориясы. Табиғаттың көптеген заңдары, механика, 
техника және экономиканың түрлі есептері көп айнымалы функциялар мен 
интегралдарды (еселі, қисықсызықты, беттік, меншіксіз) қолдану арқылы 
сипатталады. Сондықтан, мұндай есептерді меңгеріп, зерттеу үшін көп 
айнымалы функциялардың дифференциалдық және интегралдық есептеулерінің 
теориясын білу қажет. Бұл себепті математикалық талдау, соның ішінде осы 

пән, математика білімнің құрамды бөлігі болып табылады. Пәннің негізгі 
қолданулары математиканың, механиканың және физиканың кейбір бөлімдерін 
ары қарай зерттеуге, оқып – білуге қажетті. 
Бұл курстың мақсаты мағлұматтар (анықтамалар, теоремалар, осы 
теоремалардың дәлелдеулері, теоремалар мен дәлелдеулерінің арасындағы 
қатынастары, берілген есептерді шешу әдістері) жиынтығын жеткізу және осы 
мағлұматтарды әртүрлі ғылым салалары мен тәжірибеде қолдану дағдыларына 
студенттерді оқыту ғана емес, сонымен қатар студенттердің математиканы 
меңгеру үшін қажетті логикалық ойлау қабілеттерін және математикалық 
мәдениетін, математикалық (сапалық, аналитикалық және геометриялық) 
интуициясын дамыту болып табылады.
Жалпы ғылыми білім саласы болып табылатын бұл пәнді меңгеру үшін 
орта мектеп білімі көлеміндегі математиканы, сонымен қатар осы пәнмен 
параллелді түрде оқытылатын жоғары математика курсын да жақсы меңгеру 
қажет. 

жүктеу/скачать 3,52 Mb.

Достарыңызбен бөлісу: