38-сурет Амьен соборы Нотр-Дам (1220-1269 ж.) Сәулетшілері: Люзарштан Робер, Тома де Кормон және оның ұлы Рене Бұл ең биік собор (ортаңғы астау кеңістігінің биіктігі 42
м). Собордың сәйкестемелік қатынасы өте дұрыс және готика
соборларының эталоны болып табылады, сондықтан оның стилі
біршама әсерсіз. Собор сәулеті барлық готика соборлары үшін жал-
пы қорытынды секілді.
Собор мұнаралары аяқталмаған және симметриялы емес: біреуі
сәл биіктеу. Собор интерьерлері мен қасбеттері өте нәзік тас ойма-
сымен ерекшеленеді. Қасбеттер ХV ғасырда аяқталды.
ХІV ғасырда кейінгі готикалық кезеңде стиль құлдырауы баста-
лады: сәулетшілер сәнділікке ұмтылады, тіреуге аса мән берілмейді,
тік сызық жалын сияқты иіледі, «жалындаған» готика атауы осыдан
пайда болған. Бұл стиль негізі Францияда құрылған. «Жалындаған»
готика имараттарының бірі – Руан соборы.
