Диссертация мавзусининг диссертация бажарилган олий таълим муассасасининг илмий-тадқиқот ишлари билан боғлиқлиги. Диссертация
Алишер Навоий номидаги Тошкент давлат ўзбек тили ва адабиёти
университети “Ўзбек тили” кафедрасининг “Ўзбек тили терминологик
тизимини илмий-амалий тадқиқ қилишнинг долзарб йўналишлари”
мавзусидаги илмий ишлари доирасида бажарилган.
Тадқиқотнинг мақсади ўзбек тили банк-молия терминологиясининг
тил системасида тутган ўрнини аниқлаш, соҳа терминологиясининг
шаклланиш манбалари, тараққиёт усули ва манбалари, семантик ва структур
хусусиятларини тадқиқ қилиш, унда инсон омилининг аҳамиятини
ўрганишдан иборат.
