Сәлеметсіздер ме? Біз сіздермен Химия пәнімен танысамыз, химия сіздер үшін жаңа пән. Химия табиғаттың құпия сырларын, бүкіл әлемдегі заттардың құрамы мен құрылысын, олардың бір-бірімен айналымын зерттейтін жаратылыстану ғылымдарының бірі екенін оқып үйренеміз.
Бүгінгі сабағымыздың алғашқы тақырыбы: Химия пәні. Заттар және олардың қасиеттері. Практикалық жұмыс. №1 “Химия кабинетіндегі қауіпсіздік техникасы ережелері”
Бүгінгі сабақта: Сенің білетінің: • химия ғылымының нені оқытатынын білу;
Сенің меңгеретінің: • химиялық лабораторияда және кабинетте жұмыс жүргізу кезіндегі қауіпсіздік техникасының ережелерімен танысып меңгересіз.
-
Презентация Слайд 1
Слайд 2
10 минут
03:00 – 13:00
Жаңа сабақ
Химия – табиғаттың құпия сырларын, бүкіл әлемдегі заттардың құрамы мен құрылысын, олардың бір-біріне айналуын зерттейтін жаратылыстану ғылымдарының бірі. Ал адамзат сол заттарды күнделікті өмірде қолданып, оны іс жүзінде қажетіне жаратады.
Айналамызға көз жіберсек, бізді көптеген денелер қоршап тұрады. Өлшемі және пішіні бойынша ажыратылатын бұл денелерді физикалық денелер деп аталады.
Бір заттан бірнеше физикалық денелер түзіледі, бір дене бірнеше заттан жасалады.
Заттар дегеніміз - денелерді құраушылар. Физикалық дене және зат ұғымдарын бір-бірінен ажырата білу қажет. Мысалы, айсберг – судан тұратын дене, шеге – темір затынан құралған дене.
Заттардың бір-бірінен айырмашылығын немесе өзара ұқсастығын көрсететін белгілері олардың қасиеттері деп аталады. Заттардың қасиеттері физикалық және химиялық болып бөлінеді.
