4. Халықаралық қарусыздану үдерістерін жаңа тарихи жағдайларға бейімдеу маңызды. Қорғанысты басқарудың электрондық жүйесінің ықтимал ақауына байланысты жаһандық соғыстың басталу қаупі күшейеді. БҰҰ-ның Қарусыздану жөніндегі жаңа стратегиясы қажет. Алдымызда жаңа қатер – терроршылардың қолындағы аса қауіпті қаруға айналуы мүмкін киберқылмысты жоюмен айналысу міндеті тұр.
5. Соғыссыз әлем - халықаралық қаржы, сауда-саттық және даму саласындағы жаһандық бәсекелестіктің әділетті парадигмасы. БҰҰ Бас Ассамблеясының 70-ші сессиясында Қазақстан Жаһандық Стратегиялық Бастама-2045 Жоспарын жасау бастамасын ілгерілетті. Бұл Жоспар соғыстар мен жанжалдардың түбегейлі себептерін жоюды көздейді.
Сөзінің соңын Президент ХХІ ғасырда әлемге тыныштық керек! Адамзат ХХІ ғасырда да бейбітшілік үшін байыптылықпен және табандылықпен күресу керек. Әлемді соғыс қатерінен түпкілікті арылту үшін бүкіл әлем үкіметтері, саясаткерлері, ғалымдары, бизнесмендері, өнер қайраткерлері, миллиондаған адамдарының күш-жігерін жұмылдыру қажет дей келе, өзінің «Әлем. ХХІ ғасыр» атты манифесінің ХХІ ғасырда өмір сүретін өскелең ұрпақтың тағдырына шынайы алаңдаушылықтан туындап отырғандығын айтты. Адамзатты соғыс қатерінен мүлде арылту үшін қолымыздан келгеннің бәрін жасауымыз керек. Бұл ең көкейкесті міндет, деді.
69. Қазақстанның үшінші жаңғыруы: басымдықтары мен міндеттері. Қазақстан Республикасының Президенті Н.Ә. Назарбаев «Қазақстанның үшінші жаңғыруы: жаһандық бәсекеге қабілеттілік» атты Қазақстан халқына Жолдауын 2017 ж. 31 қаңтарында жария етті. Қазақстан 2050 жылға қарай әлемдегі ең алдыңғы қатарлы 30 мемлекеттің қатарына қосылуға тиіс. Әлемде Төртінші өнеркәсіптік революция басталды. Қазақстанның алдына Үшінші жаңғырту міндеті қойылып отыр. Елдің жаһандық бәсекеге қабілеттілігін қамтамасыз ететін экономикалық өсімнің жаңа моделін құру қажет.
Қазақстанның бірінші жаңғыруы КСРО ыдырағаннан кейін басталды. Жаңа мемлекет құрдық. Жоспарлы экономикадан нарықтық экономикаға көштік. Ел аман, азамат соғысы, экономикалық күйзеліске ұшырамай, аз шығынмен, үлкен жетістіктерге қол жеткіздік. Екінші жаңғыру «Қазақстан-2030» стратегиясының қабылдануымен, жаңа елорда – Астананың салынумен басталды. Ол да нәтижелі болып, еліміз экономикалық артта қалған аймақтан шығып, бәсекеге қабілетті 50 мемлекеттің қатарына кірді.
Енді алға батыл қадам басып, Үшінші жаңғыруды бастауға тиіспіз. Бұл жаңғыру –болашаққа, «Қазақстан-2050» стратегиясы мақсаттарына бастайтын сенімді көпір болмақ. Ол Ұлт жоспары – «100 нақты қадам» базасында өткізіледі.
Оның 5 негізгі басымдығы бар: 1) экономиканың жеделдетілген жаңғыртылуы; 2) бизнес-ортаны түбегейлі жақсарту; 3) макроэкономикалық тұрақтылық; 4) адами капитал сапасын жақсарту; 5) институционалдық өзгерістерге, қауіпсіздікке және сыбайлас жемқорлықпен күреске қатысты.
Достарыңызбен бөлісу: |
