Сұйықтықтарды тамыр ішіне тамшылатып құюды орындау Мақсаты: баяу, минутына 40-60 тамшы жіберу арқылы қан жүретін арналарға дәрілік заттардың түсуі
Көрсетім: айналымдағы қан көлемін қалпына келтіру, су-электрожелістік теңдікті және ағзаның қышқылды-сілтілі күй-жағдайын қалыпқа келтіру, улану құбылыстарын жою, парентеральды тамақтандыру.
Жабдықтау:
залалсыздандырылған: лоток, 4 қабатты бөз матадан жасалған және лотокты жабу үшін салфетка, пинцет, кішкене салфеткалар, мақта шариктері, бетперде, қолғап, халат.
Сұйықтарды тамшылатып жіберуге арналған бір реттік жүйе, ұзындығы кереуеттен 1-1,5 м штатив, клеенкалы жастықша, 2– лекопластырь лентасы;
бұрауды және жастықшаны, емшаралық үстелді және кушетканы зарарсыздандыру үшін зарарсыздандырушы ерітінділер;
таңбаланған сыйымдылықтар;
спирт 70%.
ЕМШАРАҒА ДАЙЫНДЫҚ:
Науқаспен (егер есі болса) сенімділік қарым қатынас орнатыңыз.
Науқасқа дәрілік затты жіберудің мақсатын, өту барысын түсіндіріп оның немесе туыстарының келісімін алыңыз.
Қолыңызды гигиеналық деңгейде өңдеңіз, залалсыздандырылған халат, бетперде, қолғапты киіңіз.
Назар аударыңыз!
Қолғапты киер алдында қолыңызды антисептикалық ерітіндімен өңдеңіз.
Тамшылатып құюға арналған жүйені дайындаңыз (қолдану мерзімін, қабының екі жағынан басып қарап, бүтіндігін тексеріңіз).
Залалсыздандырылған лотокқа мақта шариктерін, салфеткалар және пинцетті салып дайындаңыз.
Инфузияға арналған дәрілік заты бар флоконды дайындаңыз.
