СУДА СУАТ ЖАМАН ЕКЕН
Суда суат жаман екен,
Үстінен соқпақ кетпейтін.
Ағашта қазық жаман екен,
Басынан тоқпақ кетпейтін.
Жылқыда жорға жаман екен,
Арқасының тері кеппейтін.
Адамда ерке жаман екен,
Көзінің жасы кеппейтін.
Құрдаста сырлас жаман екен,
Басынан өсек -кетпейтін.
* * *
Қатының жаман болса сата алмассың,
Еліңе жақсы жігіт атанбассың.
Үйіңе бір құрбыңды ертіп келіп:
«Әй, қатын, ас қазан»— деп айта алмассың.
* * *
Ер жігіттің ағайыны күнініл болады,
Қайын жұрты міншіл болады.
Нағашы жұрты күндемейді де, үндемейді де,
Ең жақсы елі сол, әрі сыншы болады.
*' * *
Жылға-сай батпақ болса ете алмайсың,
Жастан шыққан жүйрікке жете алмайсың.
Дүниенің жүзінде осы қиын —
Жаман деп ағайыннан кете алмайсың.
Достарыңызбен бөлісу: |
