-сурет. Атбұршақ тамырының радиальды (сәулелі) шоғы тетрархты

4 - ж ұ м ы с. Концентрлі шоқ. Концентрлі шоқты зерттеу үшін інжугүл мен қыранот өсімдіктерінің тамырсабақтарын пайдаланамыз. Інжугүл өсімдігінің жас тамырсабағын өткір ұстарамен жұқалап кесіп, олардан препарат жасау керек. Микроскоптың кіші объективімен қараған кезде препараттың сыртын қаптап жатқан бір қабат эпидерма, оның астындағы көп қабаттан құралған алғашқы паренхималық клеткалар, одан соң екі қабат эпидерма және дәл ортасына орналасқан- орталық цилиндр (стель) көзге көрінеді. Егер препаратты жұка кессе, оның ішкі құрылысы жақсы көрінсе, оны екі түрлі реактивпен бояйды. Сол кезде оның ішкі бөлімдері де айқындалады. Ол үшін кесіндіні алғашында карминмен бояп, 15-20 минуттан соң таза сумен жуып тастау керек. Жуылған препаратты метилен көгіне 1-2 минут ұстаған соң, оны тағы да жуып тастаймыз. Микроскоптың үлкен обьективімсн қарап, зерттеген кезде концентрлі шоқтың дәл орталығында орналасқан флоэманы және оны айнала қоршап жатқан ксилема бөліктерін көруге болады. Клетка қабықшасының керегелері қалыңдап кеткен ксилема бөлігі метилен көгінің әсерінен жасыл түске, ал таза клетчаткалық қасиетін сақтап қалған флоэма бөліктері карминнің әсерінен күлгін түске боялады.