Мамандандырылған прокуратуралар.
Мамандандырылған прокуратураларға әскери, көлік (темір жол, су, әуе көліктерінде), табиғатты қорғау және ҚР Ішкі істер министрлігінің қылмыстық-атқарушы жүйесінің (колония-түрме) түзету мекемелерінде заңдардың орыдалуын қадағалау жөніндегі прокуратуралар жатады. ҚР прокуратура органдарының жүйесінде облыстық прокуратуралар құқығында: Оңтүстік – Шығыс, Орталық және Батыс Қазақстан аймақтық көлік прокуратуралары жұмыс істейді. Әскери прокуратура құрамын Бас әскери прокуратура, әскери округтік прокуратуралары, гарнизондар прокуратуралары, қала және аудан прокуратураларына теңестірілген біріккен және қосылған әскерлер жатады. Әскери прокуратура органдарын ҚР Бас прокурорының орынбасары – Бас әскери прокурор басқарады. Оны ҚР Бас прокурорының ұсынуы бойынша ҚР Президенті қызметке тағайындайды және босатады. Басқа қалған әскери прокурорларды Бас әскери прокурордың ұсынуы бойынша ҚР Бас прокуроры қызметке тағайындайды.
Достарыңызбен бөлісу: |
