| 47 жаттығу
Барлық қатысушылар шеңбер жасап тұрады (шеңберге арқасымен қарап).
Нұсқаулық: «Араларыңыздан біреуіңіз біз бір-бірімізге образды түрде беретін кез-келген затты ойласын. Ол зат шынайы жағдайда бір- біріне беруге болатын зат болуы тиіс».
Жаттықтырушы ойдағы заттың идеясы пайда болғанша күтеді, затты ойлаған қатысушыға не зат екендігін ешкімге айтпай, келесі қатысушыға беруге дайындалуына уақыт береді (1-2 минут).
«Сонымен, қазір Сәкен өзінің затын сол жағындағы көршісіне береді. Затты беру барысында және одан кейін бізде тек вербалды емес жолды қолданамыз, ал затты алған адам өзінің қандай зат алғанын түсінуі керек. Затты алған адам, өз кезегінде оны өзінің сол жағындағы көршісіне береді және т.с.с Осы қалыпта, зат шеңбер бойымен сағаттың тіліне қарсы бағытта жылжыйды және егер барлығымыз мұқият болып, басқа бір затқа айналып кету қателігін жібермесе, соңында зат Сәкенге оралуы тиіс. Ол кезде барлық қатысушылар шеңберге бетімен қарап тұрады. Себебі әрқайысымыз затты бергеннен кейін шеңберге бетімен бұрыла алады. Қанекей бастайық».
Зат өзінің жіберушісіне оралғаннан кейін, жаттықтырушы шеңбер бойымен енді сағаттың тілі бойынша қозғалып (қарсы бағытта) әрқайысысынан не зат алғанын және бергенін кезекпен сұрайды.
Жаттығуды күрделендіру және белсенділікті арттыру үшін, сондай- ақ талқылауға ауқымды мәлімет алу үшін, шеңбердің әр жерінде бір- бірімен шамамен бірдей арақашықтықта тұрған топтың үш мүшесіне бір мезгілде өз заттарын беруді бастауды ұсынуға болады.
Талқылау барысында қатысушылар негізінен өзара түсіністікке келуге не жетеледі немесе кедергі болған сәттерге назар аударуы мүмкін. Көп жағдайда қатынс барысында қатысушылардың әрқайсысы нәтижеге жауапты екендігі жөнінде ой айтылады. Ақпаратты беретін адам оны анық, нақты және басқаға түсінікті болатындай жасауға тырысуы қажет, яғни ақпаратты беретін адам өзінің қимыл-әрекетін қабылдап алушы адам қалай түсінуі, қабылдауы мүмкіндігін анықтауға тырысады. Екінші жағынан, ақпаратты алушы ең алдымен әріптесінің әрбір қимыл- әрекеті қандай мағына беруі мүмкін екендігін жете ойланып, оны көрсетуде асықпауы керек.
Достарыңызбен бөлісу: |
