Үшінші мыңжылдық құзіреттілік білім беру жағдайында мұғалімнің инновациялық даярлығын қажет ететін, жаңа тұрпатты мұғалімнің инновациялық іс-әрекетінің кезеңі
жүктеу/скачать 0,84 Mb.
|
Бұзаубақова К.Ж. Инновациялық педагогика негіздері (1)
| Тұжырымдық ережелері:
- оқыту - оқушының компьютермен жұмыс істеуі; - бейімделу ұстанымы, яғни компьютерді баланың жеке ерекшеліктеріне қарай ыңғайлау; - оқытудың диалогтық сипаты; - басқару: кез келген уақытта мұғалімнің түзетуі болуы мүмкін; - баланың компьютермен өзара қатынасы «объект» бойынша; - жеке және топтық жұмыстың тиімді үйлестірілуі; - оқушының компьютермен жұмыс кезінде психологиялық қолайлы жағдай туғызу. Компьютер оқытудың барлық: жалпы тақырыпты түсіндіру, бекіту, қайталау, білім, білік, дағдыны тексеру кезеңдерінде қолданылуы мүмкін. Сонымен бірге ол бала үшін әртүрлі: мұғалім, жұмыс істейтін құрал, қол боста ермек ететін ойын сияқты қызмет атқарады. Компьютердің мұғалім ретінде атқаратын қызметі: мұғалім мен оқулықты толықтай ішінара алмастыратындай білімдік ақпарат көзі; мултимедиа және телекоммуникацияның жаңа мүмкіндіктері негізіндегі көрнекті құрал; жеке ақпараттық кеңістік; тренажер; талдау және тексеру құралы. Ал, жұмыс құралы ретінде: мәтінді дайындау және есте сақтау құралы; мәтіндік редактор; сызба, кесте құралы, графиктік редактор; есептегіш машина; нобайлау құралы. Компьютердің оқыту объектісі ретінде атқаратын қызметі: берілген тапсырмаға сәйкес бағдарлама түзу; бағдарламалар жинағын жасау. Компьютерлік оқыту бағдарламасының (КОБ) басымдылығы төмендегідей: - жан-жақты ақпараттық мәлімет; - әрбір оқушының жеке өзіндік жұмысының интенсификациясы; - оқушыға маңызы зор коммуникативтік жағдай туғызу; - оқушылардың танымдық белсенділіктерін қалыптастыру және оқуға деген ынтасын арттыру; - әртүрлі есептерді шығару барысында диалогтық режим қалыптастыру; - оқушының танымдық ерекшеліктері, белсенділіктері, ынтасын, қбілеттерін толық ескеретін жеке оңтайландырылған бағдарламамен оқыту; - оқушының теориялық және практикалық дайындықтарының арақатынасын оңтайландыру; - оқушының физикалық және физиологиялық жүктемесін азайту және т.б. Компьютерлік оқыту бағдарламасын (КОБ) жасау технологиясы «Курс», «Тренинг», «Тест» сияқты 3 режимді базалық тренингке сүйенеді. Компьютерлік оқыту бағдарламасы төмендегілерді қамтуы тиіс: 1) Лекция курсын; 2) Өзіндік жұмыстардың тапсырмасын және оны орындауға қатысты әдістемелік нұсқау; 3) Білімді тексерудің автоматтандырылған жүйесі. «Курс» пакеті төмендегілерді қамтиды: 1) Лекциялардың толық мәтіні; 2) Негізгі және қосымша әдебиеттер тізімі; 3) Курстың бағдарламасы. Сондай-ақ, «Курс» пакеті пәннің негізгі мақсатын қамтиды, онда оқылатын курстың тараулары, бөлімдері, тақырыптары көрсетіледі, компьютерде жұмыс істеудің әдістемесі беріледі. «Тренинг» пакетінде мұғалім-оқушы, оқушы-компьютер қарым-қатынасын дамытатын оқыту әдістері беріледі. Тренинг негізін жеке өзіндік жұмыстардың тапсырмалары құрайды. Тапсырмалар оқушылардың шығармашылық белсенділік деңгейлеріне (бастапқы-базалық, төмен, орта, жоғары) сәйкес алынады. «Тест» пакеті оқушылардың білім деңгейлерін анықтауға арналады. Оқушылардың білім деңгейлері арнайы құрылған тестпен тексеріледі. Компьютермен оқыту бағдарламасы (КОБ) негізінде пәнді оқыту курсын толығымен компьютерге ауыстыруға арналады. Ал бұл: - курсын мазмұнын жетілдіруге; - пәннің оқыту әдістемесін жаңартуға; - оқушылардың ізденімпаздық, шығармашылық қабілеттерінің артуына көмектеседі. Компьютермен жұмыс істеуде оқушы іс-әрекетінің 3 компонентін ажыратуға болады: - оқу үдерісінің мазмұны; - оқу материалын қабылдау (оқу іс-әрекетінің мазмұны) және бір қабылдау деңгейінен екіншісіне көшу үдерісі; - мұғалім мен оқушы арасындағы өзара қарым-қатынас пен өзара іс-әрекеттілік жүйесі (ынтымақтастық). Компьютермен жұмыс жасауды оқушылардың шығармашылық үдерісі төмендегідей кезеңдерден тұрады (50-сурет). Мұндағы КДМ - коррекциялық дидактикалық материал, оны мұғалім дайындайды, КДМ оқушының материалды дұрыс әрі тез қабылдауына көмектеседі. жүктеу/скачать 0,84 Mb. Достарыңызбен бөлісу:
|