3. Құрғақ ысқырықты (ұсақ бронх түйілген) және ызылдаған (ірі бронхтар түйілген) сырылдар (әсіресе дем шығарғанда), дистанциялық (қашықтықтан естілетін) сырылдар 4. «мылқау" өкпе, (тыныс шулары естілмейді) 5. Ылғалды ұсақ көпіршікті дыбыссыз сырылдар. Сыртқы тыныс функциясының өзгеруіобструктивті типке тән: тыныс шығару тездігі, форсирделінген бір секундтық дем шығару көлемі, Вотчал-Тиффно индексі және басқалары төмендеген.
Рентгендік тексеруде: өкпе тіні мөлдірлігі өскен, көк ет деңгейі және қозғалуы төмендеген, өкпе эмфиземасы.
Қанды тексеру: эозинофилия, лимфоцитоз бола алады.
Астматикалық (тұншығу) жағдайы (статус) – ұзаққа созылған тұншығу ұстамасы, 2-адренорецепторларды тежейтін бронхолитиктер әсерінен қайтпайды.
Тегіс бронхиальды обструкция (бітелу), өкпелік гипертензия, жедел өкпе текті жүрек дамиды, гипоксемиялық ессіздік (кома) қосылуы мүмкін
(альвеолярлы вентиляция бұзылған - гипоксия-гиперкапния - респираторлы ацидоз - кома).
Астматикалық жағдайдың 3 сатысы бар: бастапқы (салыстырмалы компенсация) – 1-і, декомпенсация (“мылқау өкпе”) – 2-і, терминальды (гипоксемиялық кома) – 3-і. Бронхтың бітелу (обструктивті) синдромын Осы синдромдардан ажырату қажет бронхит синдромы;
жедел сол қарыншалық жетіспеушілік (жүрек демікпесі) синдромы.
Бронхиттік (bronchitis) синдром Бронхит - бронхтардың қабынудан (инфекциялық немесе инфекциялық емес) зақымдалуы.
Белгілері:
1. Жөтел және/не ентігу. Жөтел құрғақ не әртүрлі мөлшерлі (тәулігіне оншақты мл-ге дейін) қақырықты (кілегейлі, іріңді, серозды, қанды) жөтел. Қатты мазалайтын құрғақ жөтел кеңірдек не трахея зақымдалуында бола алады, бірақ бұл жағдайда сырылдар болмайды. Егер тәуілігіне 200-500 мл қақырық бөлінсе, онда бронхоэктаздар туралы не бронхқа ашылған абсцесс туралы ойлау қажет .
