Нан-тоқаш бұйымдарынан сынама алу тəртібі

Үлгілерді стандарт талаптары мен техникалық шарттарға сайкес нан-тоқаш өнімдері партиясынан органолептикалық көрсеткіштері мен салмағы бойынша іріктейді. Партия: кəсіпорын экспедициясында – бір ауысымда бір бригада өндірген, салмағы көп емес бір атаудағы нан немесе нан-тоқаш өнімдері; сауда желісінде - бір кəсіпорын дайындаған жəне бір жүкқұжат бойынша алынған бір атаудағы нан жəне нан-тоқаш өнімдері деп санайды. Сыртқы белгілері бүкіл партияны сипаттайтын партияның іріктелген бөлігін орташа сынама деп санайды. Үлгіге зертханалық талдау жасау үшін бөлінген орташа сынаманың бөлігі қабылданады. Сынамаларды алу алдында əр вагонетканың, контейнердің, тіреулердің 2...3 жұтымындағы барлық бұйымдарды қарау арқылы дайын бұйымның қабығына, бетіне, бояуына органолептикалық бағалауды жүргізеді. Бір мезгілде тексерілетін партия бұйымдарының осындай санынан алынатын 10 данадан кем емес бұйымды өлшеу арқылы дара бұйымның салмағын бақылайды. Қанағаттанарлықсыз нəтижелер алынған жағдайда жаппай бақылау жүргізіледі [1]. Орташа сынама жасау үшін əрбір вагонетка немесе контейнерден немесе əрбір 10 лоток немесе 10 жəшіктен əр сағат сайын келесідей мөлшерде бұйымдар іріктеледі:

бұйымның салмағы 1-дeн 3кг-ға дeйiн бoлғaндa, партияның салмағының 0,2% мөлшерінде, бірақ 5 данадан кем емес;

бұйымның салмағы 1кг-нан кем емес болғанда, пaртия caлмaғының 0,3% мөлшeрiндe, бірақ 10 данадан кем емес. Нан жұмсағының, кеуектің, дəмнің, иістің жағдайын органолептикалық бағалау үшін орташа сынамадан осы партияға тəн 5 бұйым мен сынама алынады. Физикалық-химиялық көрceткiштeрдi бaқылaу үшiн ұcынылғaн тaңдaмaдaн зeртхaнaлық үлгiнi кeлeciдeй мөлшeрдe iрiктeп aлaды:

1 дaнa - салмағы 400г aртық өлшeмдiк жəнe дaнaлық бұйымдaр;

2 дaнa кeм eмec - салмағы 200-дeн 400г дeйiн дaнaлық бұйымдaр;

3 данадан кем емес -салмағы 200г-нан 100г-ға дейінгі бұйымдар;

6 данадан кем емес - салмағы 100г-дан кем емес бұйымдар; Бұйымдардың зертханалық үлгілерін талдау үшін оларды өндірген кəсіпорынның шегінен тыс жібергенде, іріктелген үлгілерді қағазға орап, шпагатпен байлайды, пломбалайды немесе мөрлейді. Зертханалық үлгілер іріктеу актісімен сүйемелденуі тиіс, онда:

дайындаушы-кəсіпорынның жəне бұйымның атауы;

үлгілерді іріктеу күні мен орны;

партияның салмағы мен нөмірі;

пештен шығу күні мен уақыты немесе партия пісірудің басталу жəне аяқталу уақыты;

үлгілер талданатын көрсеткіштер;

бейнелерді, олардың суреттерін іріктеп алған адамның тегі мен лауазымы;

Сапаның физикалық-химиялық көрсеткіштері өнімді сатудың белгіленген мерзімде, бірақ ұсақ дана бұйымда бір сағатта жəне қалғандары үшін кемінде 3 сағатта анықталады. Органолептикалық бағалау үшін орташа сынаманы бес түрлі үлгіде алады. Іріктелген үлгілерді органолептикалық бағалау тиісті стандарт немесе техникалық шарттардың талаптарына сəйкес жүргізіледі. Орташа сынаманы органолептикалық бағалау нəтижелері бойынша барлық партияны сипаттайды [1].