Синфдан ташқари ўқиш ва нутқ ўстириш (17 соат)

Синфдан ташқари ўқиш ўқув дастурининг ажралмас қисмларидан биридир. Шунинг учун ўқувчиларда китобхонлик маданиятини тарбиялаш, уларни оддий китобхондан ижодкор китобхон даражасига кўтариш талаб этилади. Ўқувчиларда китобга ҳавас уйғотишда ҳар бир болага якка тартибда ёндашиш, шахсий қизиқишларини ҳисобга олиш зарур. Болаларда китоб устида ишлаш малакасини шакллантириш уларда китобхонлик маданиятини тарбиялашнинг муҳим омилидир.

Синфдан ташқари ўқиш машғулотлари икки ҳафтада бир марта ўтказилади ва ўқиш учун ажратилган соатлардан фойдаланилади. Бадиий – адабий асарлар мустақил равишда ва изчил ўқиб борилса ўқувчиларнинг дунёқарашини кенгайтиришга, шакллантиришга хизмат қилади.

Синфдан ташқари ўқиш таниш бўлмаган муаллифнинг китоблари муқоваси, титул варағи, кириш сўзи, мундарижаси ва суратларига қараб асарнинг тақвимий мазмунини аниқлаш вазифасини амалга оширишга хизмат қилади.