Ұсынылып отырған құрал информатика, Ақпараттық-коммуникациялық технология мен интерактивтік жабдықтар бойынша тест жинақтарынан құрастырылған.
Тест мазмұны білім беруді ақпараттандыру жағдайында педагог мамандардың компьютерлік және ақпараттық сауаттылығын айқындауға негізделген. Тест бөлімдеріне келесі тақырыптар енгізілген:
- ақпарат және ақпараттық процестер, оның ішінде, ақпараттың өлшем бірліктері, санау жүйелері, есептеуіш техниканың даму тарихы;
- логика және логикалық функциялар;
- ЭЕМ-нің аппараттық және программалық қамсыздандыру, оның ішінде, компьютер архитектурасы (негізгі және қосымша құрылғылары), ЭЕМ-нің элементтік базасы және оның буындары, программалық қамсыздандырудың құрамы мен құрылымы;
- операциялық жүйелер, программалық қамсыздандыру және утилиттер: жалпы түсінігі, файлдар, каталогтар, негізгі командалары және онымен жұмыс жасау негіздері, вирустан қорғау программалары мен архивтендіру программалары;
- WINDOWS: жұмыс үстелі, файлдар, бумалар, жарлықтар, құралдар тақтасы, меню, ақпараттарды іздеу, жою, жазу және оларды оқу;
- графиктік және мәтіндік редакторлар;
- алгоритмдеу және программалау, модельдеу;
- электрондық кестелер;
- деректер қоры және деректер қорын басқару жүйелері
- әлемдік ақпараттық қоғам: Интернет, электрондық пошта (ақпараттарды қабылдау және жіберу).
Ұсынылып отырған тест педагог мамандардың компьютерлік және ақпараттық сауаттылығын теориялық және практикалық дағдыларын тексеруге арналған. Педагог мамандардың жұмыс жасауына ыңғайлы болу үшін тест тақырыптарға бөлініп берліген. Әрбір тест сұрақтарының жауаптары 4 вариант бойынша берілген. Дұрыс жауаптар *символымен белгіленген. Сонымен бірге бұл жинақты информатикадан оқушылардың базалық білімін тексеру үшін де қолдануға болады.
Бұл тестіні компьютер арқылы өткізуге болады.
