Қалалық ата-аналар жиналысы «2017 жылдың Ұбт жаңа форматы туралы» 16. 02. 2017г

Ұлттық біріңғай тестілеу екі кезеңде өтеді:

1. 
   Қорытынды аттестестаттау мектепті бітіру емтиханы формасында (орта білім туралы аттестат және “Алтын белгі” алу үшін);
   
2. 
   Жоғары оқу орнына түсу және мемлекеттік грантты бөлу формасында.
   

1. 
   Қорытынды аттестаттау емтихан
   

1. 
   Ана тілі және әдебиетінен жазбаша емтихан эссе формасында  (мектептің оқыту тілі). Эссе жазуға 3 астрономиялық сағат беріледі. Ұсынылған үш тақырыптан оқушы бір тақырыпты таңдайды.
   

2. 
   Алгебра және талдау бастамалары пәнінен 5 тапсырмадан тұратын жазбаша емтиханға 5 астрономиялық сағат беріледі. Тапсырмалар математикалық фактілерді, түсініктерді және тәсілдерді меңгеру деңгейін анықтауға, есеп шығару және логикалық тапсырмаларды шешу дағдыларын, функционалдық сауаттылығын анықтауға бағытталған.
   

3. 
   Қазақстан тарихынан ауызша емтихан (билет бойынша);
   

4. 
    Орыс тілдерінде оқытатын мектептерде қазақ тілінен және қазақ тілінде оқытатын мектептерде орыс тілінен тестілеу  (берілген уақыт 80 минут, барлығы 40 сұраққа 40 балл); Тестің сұрақтары 3 блоктан турады:
   

5. 
   Таңдау 1 пәнінен тестілеу (физика, химия, биология, география, геометрия, дүниежүзі тарихы, әдебиет, шетел тілі, информатика пәндерінің біреуін таңдайды)  40 тест тапсырмасы болады (80 минут, 40 сұраққа – 60 балл беріледі), оның 20 сұрағы бір дұрыс жауабын табу арқылы (20 балл беріледі), 20 сұрағы бірнеше дұрыс жауабын табу арқылы (40 балл беріледі).
   

Қорытынды аттестаттаудың мерзімі Министрліктің  «2016-2017 оқу жылын аяқтау туралы» бұйрығымен белгіленеді (2017 жылғы 30 сәуірге дейін). Емтихандар шамамен 2017 жылғы 29 мамыр мен 9 маусым аралығында өтеді.

Қорытынды аттестаттаудың барлық материалдарын дайындау және білім басқармаларына дейін жеткізуді Ұлттық тестілеу орталығы, ал мектептерге дейін жеткізуді білім басқармалары ұйымдастырады.

Жазбаша және ауызша емтиханды бағалауды, берілген дұрыс жауап кодтары негізінде жауап парақтарын тексеруді мектепте құрылған емтихан комиссиясы әр пән бойынша жүргізеді.

Қорытынды аттестаттаудың материалдары (жауап парақтары, сұрақ кітапшалары т.б.) мектепте бір оқу жылы бойында сақталады.

2. 
   Ұлттық біріңғай тестілеу (ҰБТ)
   

ҰБТ жоғары оқу орнына түсу емтиханы және мемлекеттік гранттарды бөлу жүйесі  ретінде қалады.

2017 жылғы ҰБТ форматы бойынша 120 сұрақ   (20+20+20+30+30=120 тапсырма) 5 пән бойынша, оның 3-і міндетті және талапкердің жоғары оқу орнына тапсыратын мамандығына байланысты 2-і бейіні бойынша қарастырылған. Барлық сұрақтар ескеріледі.

Тестілеу уақыты 3 сағат 30 минутты құрайды. Шекті балл 50 өзгеріссіз қалады.

Жоғарғы оқу орындарының барлық 175 мамандығы 10 комбинацияға бейінді пәндер шегінде бөлінді. Бейінді пәндерді бітіруші түсетін мамандығын анықтауы үшін өзі таңдауы тиіс (мысалы,  математика + физиканы тапсыру кезінде, талапкердің 52 мамандықтың ішінен таңдау мүмкіндігі бар). 

Тестілеуге қатысуға өтініш қабылдау    10 наурыз – 10 мамыр аралығында ҰБТ-ны өткізу пункттері арқылы жүзеге асырылады (пунктар ШҚМТУ және ШҚМУ орналасқан).

ҰБТ-ны өткізу мерзімі – 20 маусым мен 1 шілде аралығы. 2017 жылғы тамыз айында және 2018 жылдың қаңтар айында ҰБТ-ны ақылы негізде қайта тапсыру мүмкіндігі беріледі. Шекті балл – 50.

«Алтын Белгі» иегерлері, жалпы білім беретін пәндер бойынша халықаралық, республикалық олимпиадалардың, ғылыми жобалардың жеңімпаздары мен жүлдегерлері ҰБТ-ны жалпы негізде тапсырады, сондай-ақ балл саны бірдей болған жағдайда білім беру гранттарын алу басымдығы оларға беріледі (мысалы, егер бітіруші және «Алтын Белгі» иегері де 122 балл алса, грант «Алтын Белгі» иегеріне беріледі. Егер бітіруші көбірек балл жинаған жағдайда, «Алтын Белгі» иегеріне басымдық берілмейді).

Жалпы білім беретін пәндер бойынша 5 халықаралық олимпиаданың жеңімпаздары мен жүлдегерлеріне арнайы гранттар бөлінеді.

3. 
   Қала бойынша жаңа форматтағы ҰБТ даярлықтықтың барысы бойынша
   

Бұл жұмыстар оқушылардың алдағы қорытынды аттестацияға өз даярлықтарын жүйелеуге, жоспарлауға үлкен ықпал жасайды.

Бүгінгі күнге қала бойынша «Алтын Белгі» -94, үздік аттестатқа үміткер -55 оқушы ұсынылып отыр.

Қалалық білім бөлімі басшысы М.Ахметовның тапсырмасымен әр апта сайын «Алтын Белгі», үздік аттестатқа үміткер оқушылармен жекелей кеңес беру топтары қала мектептері арасында тұрақты жұмыс жасап келеді. Қала мектептерінің бәрінде кеңес беру пунктері жұмыс жасайды.

Қала мектептерінің математика пәні мұғалімдері шығармашылық тобы арқылы оқушыларды алгебра және анализ бастамалары бойынша жазбаша емтиханға даярлаудың әдістемелік ұсыныстары даярланды. Материал мұғалімдер мен оқушылардың қолданысы үшін оқу бөлімі сайтына орналастырылған.

№ 3, 16, 20, 38, 44 мектептерінің математика, физика, биология, география, химия пәндері мұғалімдері арқылы onlin режимінде ҰБТ даярлау бойынша ашық сабақтар ұйымдастырылды.

«Достық» білім беру орталығымен қалалық оқу бөлімі арқылы байланыс орныққан. Орталық арқылы даярлық курстарына оқушылар тартылған және жаңа формат бойынша тестілеуден байқау сынақтарына қатысып келеді.

Жаңа форматтағы тест үлгілерін шешуге дағдыландыру және өз мүмкіндіктерін пайдалану мен 11 сынып оқушыларын қорытынды аттестацияға психологиялық тұрғыда бейімдеу мақсатында, шектелген уақыт аралығында жауап парақтарымен дұрыс жұмыс жасауға дағдыландыру үшін 25 желтоқсан 2016 жылы ШҚМТУ, ШҚМУ ҰБТ-ны өткізу пунктерінде оқушылар үшін арнайы тесттілеу ұйымдастырылды.

2017 жылдан қала мектептері «Bilimland» порталына тіркелді: портал арқылы «iTest» мектеп бітірушілер ҰБТ бағдарламасымен вертуальды даярлық жасай отыра, Onlein режимінде кез келген уақытта тестілеуден өте отыра, өзінің білімін тексере алады.

ШҚМТУ, ШҚМУ жанындағы тесттілеу орталықтары арқылы алынған байқау тест сынақтарының қорытындысына, 11 сынып мектеп бітірушілердің білім сапасына оқу бөлімі тарапынан мониторинг жүргізіледі және рейтинг қорытындысы мектептерге мерзімді ұсынылады.

11 сынып мектеп бітірушілердің қорытынды аттестацияға даярлық барысы қалалық оқу бөлімі тарапынан үнемі бақылауда.