Адамзаттың эволюциялық дамуының негізгі сатылары. Ақпараттық қоғам өркениеттік дамудың жаңа сапалы даму сатысы ретінде. Ақпараттық қоғамның басты ерекшеліктері. Ақпараттық қоғамдағы қарама-қайшылықтар. Ақпараттың қоғам өміріндегі орны. Социумның ақпараттық ортасы. Бүгінгі қоғамдағы ақпараттың ролінің артуы. ХХІ ғ. ақпараттық дүмуы және мәліметтерді өңдеу мәселелері. Бүгінгі жаһандық проблемалардың ақпараттық аспектілері (қырлары). Білімге негізделген қоғамды қалыптастырудың жетістіктері.
Ақпараттық қоғам - өндіріс пен ғылыми-техникалық және басқа ақпаратты қолдануды қоғам дамуының басты факторы ретінде қарастыратын әлеуметтік тұжырымдама; өндірістің жоғары деңгейімен және ақпарат пен ақпаратттық қызметтер мүддесімен сипатталатын қоғам. Әлемнің мәдениетті елдер қатарында болған компьютерлік революция адам жан дүниесінің, қоғам идеологиясының, білім мазмұнын анықтау мен жаңа ақпаратты білім технологияларын құрастыру жолдарының өзгеруіне әкеліп соқтырады.
Ақпараттық қоғам тұжырымдамасы З. Бжезинский, Д. Белл, А. Тоффлер негізін қалаған постиндустриалды қоғамның бір түрі болып табылады. «Ақпараттық қоғам» ұғымынан басқа әртүрлі авторлар әркелкі атаулар қолданады: «ағартылған қоғам» (К. Флекснер), «қатер қоғамы» (У. Бек), «посткапиталистік қоғам» (П. Друккер), «ашық қоғам» (Дж. Сорос). 1950-1970- шы жылдары техниканың, компьютердің қарқынды дамуы, жалпы адамзат баласының жаңа дәуірге аяқ басқандығы айқын байқалды. Адам баласының толық "техникаландырылған" және «ақпараттандырылған» әлемде өмір сүру, тіршілік ету мәселесі философтарды да толғандырмай қоймады, соның әсерінен «ақпараттық қоғам» тұжырымдамасы пайда болды (Тоффлер).
