Ауылдық округ бюджетін жоспарлау (қалыптастыру) және бекіту (нақтылау)

Сіздердің назарларыңызға Дауылкөл ауылдық округі бойынша 2018-2020 жылдарға арналған азаматтық бюджеті ұсынылады, онда ауылдық округ бюджетінің негізгі көрсеткіштері туралы, оның қалыптасу параметрлері және бюджеттік қаражаттардың шығындалу бағыттары туралы ақпарат берілген.

Дауылкөл ауылдық округте тіркелген кәсіпкерлер саны 69, оның ішінде жұмыс істеп тұрғаны 49.

2018 жылдың 1 қаңтарындағы есеп бойынша шаруашылықта ірі қара – 218 бас, қой мен ешкі – 190 бас, Жеке қожалық бойынша ірі қара – 2620, Жылқы – 466, Қой мен ешкі – 5353, Түйе – 5, Құстар – 2200 болды..

«Нәтижелі жұмыспен қамту және жаппай кәсіпкерлікті дамыту» бағдарламасының ІІІ бағыты бойынша ауылдық округте 14 жұмыссыз азамат ақылы қоғамдық жұмыспен қамтылып, 9 жас маман дипломнан кейінгі Жастар тәжірибесінен өткізілді.

Ауылдық округ бойынша 1 жұмыссыз азаматша «Бизнес-кеңесші» курсын оқыды. Қысқа мерзімді, яғни аспазшы, техник-бағдарламашы, тігінші мамандықтары бойынша кәсіби білімдерін жетілдіргендер саны 5 адам.

Сондай-ақ, ауылдық округте шаруа қожалығы 4, жауапкершілігі шектеулі серіктестігі 1, дүкен 3, жолаушылар тасымалы 5, мал шаруашылығы саласында 19, монша 1, шаштараз 1, ағаш ұстаханасы 1, ветеринариялық аптека 1, наубайхана 1, көлік жөндеу стансасы 1, кооператив саны 2 жұмыс атқарады. 2017 жылы «Жаппай кәсіпкерлікті дамыту және нәтижелі жұмыспен қамту» бағдарламасы аясында «Бастау Бизнес» курсын оқып сертификатын алған 6 азаматтың төртеуі 11,4 млн. теңге шағын несие алып, мал санына көбейту мақсатында жұмыс істеуде.

«2018-2020 жылдарға арналған республикалық бюджет туралы» Қазақстан Республикасының 2017 жылғы 30 қарашадағы № 113-VI Заңында 2018 жылғы 1 қаңтардан бастап белгіленді:

1) жалақының ең төменгi мөлшерi – 28 284 теңге;

2) мемлекеттiк базалық зейнетақы төлемiнiң мөлшерi – 15 274 теңге;

3) зейнетақының ең төменгi мөлшерi – 33 745 теңге;

4) Қазақстан Республикасының заңнамасына сәйкес жәрдемақыларды және өзге де әлеуметтiк төлемдердi есептеу їшiн, сондай-ақ айыппұл санкцияларын, салықтар мен басқа да төлемдердi қолдану үшiн айлық есептiк көрсеткiш – 2 405 теңге;

5) базалық әлеуметтiк төлемдердiң мөлшерiн есептеу үшiн ең төменгi күнкөрiс деңгейiнiң шамасы 28 284 теңге болып белгiленсiн.

Қазақстан Республикасының бюджет заңнамасының Қазақстан Республикасының бүкіл аумағында күші болады және барлық жеке және заңды тұлғаларға қолданылады.

Мемлекет басшысы Нұрсұлтан Әбішұлы Назарбаевтың «Бес институционалдық реформаны іске асыру жөніндегі 100 нақты қадам» ұлт жоспарының 98-қадамы шеңберінде аудандық маңызы бар қала, ауыл, кент және ауылдық округ деңгейінде жергілікті өзін – өзі басқарудың дербес бюджетін енгізу тапсырылған болатын.

Жергілікті өзін – өзі басқару бюджеті аудандық маңызы бар қала, ауыл, кент, ауылдық округ деңгейінде 2018 жылдан бастап халық саны 2000 адамнан асатын әкімшілік аумақтық бірлікте мемлекеттік бюджеттің 4 – деңгейі ретінде, яғни Қармақшы ауданы бойынша 2 кент және 6 ауылдық округ енген, ал 2020 жылдан бастап қалған 6 ауылдық округтер енгізілетін болады.

Аудандық маңызы бар қала, ауыл, кент, ауылдық округ бюджеттері – орталықтандырылған ақша қоры, салық және салық емес түсімдер және негізгі капиталды сатудан түсетін түсімдер есебінен құралатын, Қазақстан Республикасы Бюджет Кодексімен белгіленіп және аудандық маңызы бар қала, ауыл, кент, ауылдық округ деңгейінде бағыныстағы мемлекеттік мекемелердің жергілікті атқарушы органдардың міндеттері мен функцияларын қаржымен қамтамасыз ету.

Дауылкөл ауылдық округі бюджетінің түсімдері және шығындары
2018-2020 жылдарға арналған ауылдық округ бюджеті Қазақстан Республикасының Бюджет кодексіне, Мемлекет басшысы Н.Ә.Назарбаевтың «Бес институционалдық реформаны іске асыру жөніндегі 100 нақты қадам» ұлт жоспарының 98-қадамын іске асыру шеңберінде, Қармақшы ауданының 2017-2021 жылдарға арналған әлеуметтік-экономикалық даму болжамына, Қазақстан Республикасы Президентінің Қазақстан халқына жыл сайынғы жолдаулары негізінде әзірленді.

«2018-2020 жылдарға арналған кенттер, ауылдық округтер бюджеттері» Қармақшы аудандық мәслихатының 2017 жылғы 26 желтоқсандағы №148 шешімімен Дауылкөл ауылдық округі бюджеті бекітілді.

2018-2020 жылдарға арналған ауылдық округтің бюджет түсімдерінің болжамы бюджеттің түсімдерін болжамдау Әдісімен, өңірдің орта мерзімді әлеуметтік-экономикалық дамуының макроэкономикалық көрсеткіштері негізінде, Қазақстан Республикасының Салық, Бюджет кодекстеріне және басқа да нормативтік құқықтық актілеріне сәйкес болжамдалуда.

2018-2020 жылдарға арналған Дауылкөл ауылдық округі бюджетінің өз кірістері (трансферттерді есепке алмағанда) төмендегідей көлемде белгіленді.

2018 жылға – 1,5 млн. теңге;

2019 жылға – 1,5 млн. теңге;

2020 жылға – 1,5 млн. теңге.

Жалпы сипаттағы трансферттер бюджеттің әрбір деңгейі үшін Бюджеттік кодекспен бекітілген шығыстардың бағыттарына сәйкес мемлекеттік кепілдендірілген қызмет көрсетулерді ұсыну їшін өңірлердің бюджеттік қамтамасыз етілу деңгейін теңестіруге және тең фискалдық мүмкіндіктерді қамтамасыз етуге бағытталған. Жалпы сипаттағы трансферттердің көлемі тиісті жергілікті бюджеттің кірістері (трансферттерді шегергенде) мен шығындарының болжамды көлемдері арасындағы айырма ретінде айқындалады.

2018-2020 жылдарға аудандық бюджеттен Дауылкөл ауылдық округі бюджетіне берілетін субвенциялар көлемі төмендегідей, оның ішінде:

2018 жылы – 61,8 млн теңге,

2019 жылы – 63,9 млн теңге,

2020 жылы – 66,5 млн теңге;

«2018-2020 жылдарға арналған кенттер, ауылдық округтер бюджеттері» Қармақшы аудандық мәслихатының 2017 жылғы 26 желтоқсандағы №148 шешіміне сәйкес аудандық бюджеттен 8990 мың теңге ағымдағы нысаналы трансферттер бөлінді.

2018 жылға арналған бюджет жобасы Елбасының Қазақстан халқына жолдауының іс-шараларын жүзеге асыру, халықтың әлеуетін жақсартуға, жұмыссыздықты болдырмауға жасалған бюджет.

Жыл сайын Дауылкөл ауылдық округі бюджетінің шығындары 5 функционалдық топ бойынша жоспарланады.

Жергілікті атқарушы органдар мақсатты трансферттерді және кредиттерді тек мақсаты сай жұмасалып өзінің тиісті бюджеттік бағдарламасына отырғызылып пайдаланады.

Мақсатты трансферттер ағымдағы нысаналы трансферттер және даму нысаналы трансферттерге бөлінеді.

 Жергілікті атқарушы органдар нысаналы даму трансферттерінің сомаларын айқындау үшін тиісті жоғары тұрған органға жергілікті бюджеттік инвестициялық жобалардың тізбесі мен олар бойынша шығыстар сомалары көрсетілген өтінімдерді ұсынады.

Барлығы ауылдық округтың бекітілген бюджеті бойынша білім беру саласына үш жылға 79,7 млн теңге қаржы бөлінген, оның ішінде 2018 жылға – 26 млн. теңге, 2019 жылға – 26,3 млн. теңге, 2020 жылға – 27,4 млн. теңге.

Ауылдық клуб үйі, кітапхана, аудандық жыраулар үйінің бөлімшесі клуб үйіне орналастырылған. 2017 жылы ауылдық округте 2 аудандық шара өткізілді. Мереке күндері, атаулы күндер арнайы дайындықпен өз мәнінде аталып өтті. Кітапханада 22120 кітап қоры бар. Оқырман саны 803.

Ауылда №16 балалар мен жасөспірімдер спорт мектебінің филиалы «Қазақ күрес» үйірмесі жұмыс істейді. Қазіргі таңда спорт үйірмесінде спорттың үш түрінен (қазақша күрес, самбо, дзюдо) 50 оқушы жаттығады.

Елді мекендерді көркейту, көгалдандыру, санитариялық тазалық, жарықтандыру
мын.теңге

Атауы	2018 жыл	2019 жыл	2020 жыл
Барлық шығындар:	1,3	1,4	1,5
Елді мекендердің санитариясын қамтамасыз ету	0	0	0
Елді мекендердерді абаттандыру мен көгалдандыру	0,4	0,4	0,5
Елді мекендерде көшелерді жарықтандыру	0,9	1,0	1,0

Ауылдық округте санитарлық тазалық, көркейту-көгалдандыру жұмыстары жыл көлемінде жүргізіледі. Тазалық айлықтары барысында ауыл тұрғындары, мекеме жұмысшы қызметкерлері өз аулаларын тазартып, ағаш отырғызып өздеріне тиісті жұмыстарын атқарды. Көктемгі айлықта «Бүкіл Қазақстандық ағаш отырғызу күні» акциясын қосып есептегенде 3000 түп ағаш көшеттері отырғызылды. Бұрынғы егілген ағаштардың түбі әктеліп, күтімге алынды.

Шаруашылық техникасымен ауыл тұрғындарының ауласындағы және көшелердегі күл-қоқыстар шығарылды. Ауыл орталығындағы Ешнияз сал көшесінің бойына жаңадан 4 тұғыр орнатылып, бильбордтар ілінді.

Тұрмағамбет Ізтілеуов көшесіне ағымдағы жөндеу және жарықтандыру жұмыстары жүргізілді.