Ауылшаруашылық, өнеркәсіп және қызмет салаларын орналастыру факторлары

Ауылшаруашылық, өнеркәсіп және қызмет

салаларын орналастыру факторлары

Әлемде өндіріс салалары үшін ерекше шарттар немесе себептер ескеріледі. Экономика салаларын қалыптастыру кезінде ескеру қажет жағдайларды фактор деп атайды. Шарттар табиғи, әлеуметтік-экономикалық, экологиялық, техникалық-экономикалық, нарықтық және инфрақұрылымдық сипатта болуы мүмкін. Өндірісті орналастырудың табиғи жағдайларына табиғи ресурстардың сандық және сапалық құрамы, климаттық, рельефті түрлері жатады. Олар тау-кен, металлургия, отын өндірісінде, яғни өндірісте табиғи компоненттерді қажет ететін салаларда қолданылады. Дәл осы табиғи компоненттердің арқасында алғашқы шаруашылық түрлері пайда болған. Мысалы, пайдалы қазбалардың немесе құнарлы топырақтың қорына бай ел металлургия өндірісін немесе ауыл шаруашылығын дамытты. Әлеуметтік-экономикалық факторларға халықтың сапалық және сандық сипаттамаларымен байланысты факторлар жатады. Техникалық-экономикалық факторлар өнімді өндіру мен оны сатуға кететін шығындарды анықтайды.

Адамзат қоғамының дамуы және қалалар мен елдер арасындағы еңбек бөлінісінің пайда болуымен байланысты экономикалық секторда жаңа факторлар пайда болды. Өндірісте пайда болу себептеріне байланысты аталған факторлар дәстүрлі және заманауи болып жіктеледі.