БҚО, Теректі ауданы

Орыс сыныптарындағы қазақ тілінен тәрбие сағаты. 4Б сыныбы

а) Сәлемдесу:

- Сәлеметсіздер ме, құрметті ұстаздар мен оқушылар! Бүгінгі тәрбие сағатымыз Қазақстан жерінде қанша ұлт болса, соншама тілдің бар екендігін айқындап, құрмет тұтуда. Яғни, қазақ тілі, оның мәртебесі – мемлекеттік тіл қалай меңгеріліп жатқандығы жайлы сөз болады.

ә) Ауызекі сөйлесу:

• 
  Біздің туған еліміз қалай аталады? (Қазақстан)
  
• 
  Қазақстан жері қандай? (үлкен, кең-байтақ)
  
• 
  Қазақстан жерінде қандай ұлт өкілдері тұрады? (қазақ, орыс, татар, кәріс, ұйғыр, түрік, өзбек, украин, белорус, неміс, тәжік, шешен, қырғыз, т.б.)
  
• 
  Олардың барлығы қандай тілдерде сөйлеседі? (ана тілінде, қазақ және орыс тілінде сөйлеседі)
  
• 
  Еліміздің мемлекеттік тілі қай тілі? (қазақ тілі)
  
• 
  Ал, ресми тілі қандай? (орыс тілі)
  
• 
  Балалар мектепте тағы қандай тілді үйреніп жүрсіңдер? (ағылшын тілі)
  

1 кезең. Поэзия минуты.

2 кезең. Мақал – сөздің мәйегі.

3 кезең. Көп тіл білу – өмір талабы. «Полиглот» ойыны.

Оқушылар өздерінің тақпақ-өлеңдерін жатқа айтады, мәнерлеп оқиды.

Қазақстан-Отаным,

Қазақ тілі-қазынам.

Қазақ жері-береке,

Ырыс бірлік-кені екен.

Бұзылмасын тыныштық,

Бейбіт өмір береке.
Иван:

Туған тілім-бабам тілі-өз тілім!

Туған тілім-анам тілі-өз тілім!

Туған тілім-далам тілі-өз тілім!

Туған тілім-адам тілі-өз тілім!
Айсұлу:

Сүйемін туған тілді –анам тілін,

Бесікте жатқанда-ақ берген білім.

Шыр етіп жерге түскен минутымнан,

Құлағыма сіңірген таныс үнін.

Алексей:

Ең бірінші бақытым-халқым менің,

Соған берем ойымның алтын кенін.

Ол бар болса, мен бармын қор болмаймын!

Қымбатырақ алтыннан нарқым менің!

Алихан:

Ал, екінші бақытым-тілім менің,

Тас жүректі тіліммен тілімдедім.

Кей-кейде дүниеден түңілсем де,

Қасиетті тілімнен түңілмедім!

Самал:

Сенің әрбір тынысыңмен күн кешем,

Сен арқылы тіршілікпен тілдесем.

Ел бетіне қалай түзу қараймын,

Ана тілім, егер сені білмесем.

Ана тілім-дана тілім, бақ тілім,

Сенсіз бақыт дүниеден тапты кім?

Сенсің менің қасіретім, шаттығым,

Сенсің менің тазалығым, пәктігім.
2 кезең: МАҚАЛ СӨЗДІҢ – МӘЙЕГІ.

Мұғалім мақал-мәтелдердің басын айтады, оқушылар жалғастырады.

Мұнда оқушылар берілген сөздерді үш тілде (қазақ, орыс, ағылшын) аударып айтады.

Тіл қай ұлтта болса да, қай елде болса да қастерлі, құдіретті. Ол әрбір адамның бойына ана сүтімен еніп қалыптасады. Тіл байлығы – әр елдің мақтанышы. Ол атадан балаға мирас болып қалған баға жетпес мұра. Сондықтан да әр адам ана тілін қадірлеуге міндетті. Жасай бер, достық тілі – қазақ тілі.