Гексаметилентетрамин (уротропин) - бактериостатикалық әсері ұлпалардың қабынуы кезінде, қышқыл ортада формальдегидтің тұзілуінен ыдырауымен байланысты. Ішке және к/т (40% еріт.) несеп шығару жолдарының жұқпалы ауруларында (қолданылуы шектеулі) қолданылады.
5. Фенол және оның туындылары. Әсер ету механизмі жағынан дегидрогеназалардың ферментативті белсенділігін бөгеп, ақуыз денатурациясын тудырады.
Phenolum purum - таза фенол (карбол қышқылы): 3-5% еріт. зарарсыздандыру үшін, сонымен қатар металл құралдарын өңдеу үшін (бактериялардың вегетативті түріне әсер етіп, спораларға әсер етпейді); 3% глицеринді ерітіндісі, құлақ тамшысы жылы күйінде қолданылады. Фенолдың күшті тітіркендіргіш және күйдіргіш әсерінен тері мен шырышты қабықшаға тез сіңіп, улы (бас айналу, тыныс алудың бұзылуы, әлсіздік, тырысу, коллапс) әсер көрсетеді.
Резорцин: 2-5% сулы және спиртті ерітіндісін, тері және саңырауқұлақ ауруларында; 5-20% жағылма түрінде белгіленеді.
