Гульмира Даулетказиевна Рыскелдиева

Шона Смаханұлы атындағы №62 гимназияның

1-деңгейлі көшбасшы,

қазақ тілі мен әдебиеті пәнінің мұғалімі,

Алматы қаласы

ҚАЗІРГІ САБАҚТАРДЫ ТАЛДАУ ЖҮЙЕСІ
Сабақ – бұл оқыту үдерісінің ең басты, ең маңызды бөлігі. Қандай әдіс-тәсіл үйренсек те оның іске асатын табысты болатын соңғы нүктесі – сабақ. Сондықтан қазір ұстаздарымыз оқытудың Кембридждік тәсілдерінің мәні мен мақсатын түсініп, өз сабақтарында іске асырып жатыр. Қысқа мерзімді сабақ жоспарын құра алатын деңгейге жетті. Деңгейлік бағдарлама аясында сабаққа жеті модульді кіріктірудің өзі мұғалімнен аса жауапкершілікті, іскерлікті, біліктілікті қажет етеді. Егер мұғалім сабағын сауатты талдай алса, онда тиімді сабақты іске асыра алады. Міне, осы жолда қазіргі жаңа форматтағы сабақтарды талдай аламыз ба? Бұл сұрақ бәріміздің көкейімізде жүргені де рас. Сондықтан мен көшбасшы мұғалім ретінде дәстүрлі сабақтарды талдаудың керекті элементтерін сақтап, жаңа жүйенің талаптарын кіріктіре отырып, сабақ талдау жүйесін жасап көрдім. Пайдаланып көрген әріптестерім пайдасы бар екенін, тіпті жаңа жүйені үйренуге алгоритм болғандығын айтты. Сондықтан басқа да әріптестеріммен жұмысты бөліскім келеді. Бастапқы бөліктері бізге бұрыннан таныс. Мұндағы өзгеріс сабақ сапасын талдау жүйесіне енді.
Сабаққа талдау

Күні ----------- Сыныбы-------- Мұғалімі ---------------- Пәні ----------------- Оқушы саны ----- Қатыспағаны ----

Сабақ тақырыбы -----------------------------------------------------------------------------------------------------------

Сабақ мақсаты --------------------------------------------------------------------------------------------------------------

----------------------------------------------------------------------------------------------------------------------------------

Қатысу мақсаты ------------------------------------------------------------------------------------------------------------

65-85 ұпай – «өте жақсы», 64-45 ұпай – «жақсы», 44-30 ұпай – «қанағаттанарлық», 29-0 ұпай – «толық жақсарту қажет»

Ұсыныс: ----------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------------

Енді осы сабақ талдау өлшемдерінің әрқайсысын талдап түсіндіретін болсам, кез-келген сабаққа кіру және оны талдау, кіру мақсатынан басталады. Қазіргі жүйедегі сабақтарға кіру мақсаттары төмендегідей болуы мүмкін:

1. 
   Мұғалімнің сабақта рефлексиялық әрекеттерді жүзеге асыруын бақылау;
   
2. 
   Мұғалімнің сабақтың әр кезеңінде уақытты тиімді пайдалануын бақылау;
   
3. 
   Мұғалімнің үй тапсырмасын беру жүйесін бақылау;
   
4. 
   Мұғалімнің сабақ барысындағы көшбасшылық қызметін бақылау;
   
5. 
   Мұғалімнің сабақ барысында талантты және дарынды балалармен жұмыс жасауын бақылау;
   
6. 
   Мұғалімнің сабақ барысында оқушыларға олардың жас ерекшеліктеріне қарай әсер етуін бақылау;
   
7. 
   Мұғалімнің сабақта ақпараттық-коммуникациялық технологияларды қолдануына талдау;
   
8. 
   Мұғалімнің сабақ барысында критериалды бағалау жүйесін пайдалана білуіне талдау;
   
9. 
   Мұғалімнің сабақ барысында сын тұрғысынан ойлауға үйретуін бақылау;
   
10. 
    Мұғалімнің сабақ барысында диалогтік оқытуды пайдалануы мен сұрақ қоя білу деңгейін бақылау;
    
11. 
    Сабақтағы топтық жұмыс, оның танымдық, әлеуметтік, эмоциялық мақсаттарының орындалуын бақылау;
    
12. 
    Сабақ мақсатының қолжетімділігі, оның орындалуына талдау, т.б.
    

( МАН. Бірінші (ілгері) деңгей 33-бет.)

Қорыта айтқанда, «Өзгелерді оқыта жүріп, өзіміз де үйренеміз», – деп Сенека айтпақшы, сабаққа сапалы талдау арқылы біз сабақ беру үдерісін тиімді іске асыруды үйренеміз.