Көкбауыр Орындаған: Кенженова Зарина Муратовна

Байланысты:
Көкбауыр узи

Көкбауыр

Орындаған: Кенженова Зарина Муратовна

Топ: 411 Б ОМ

Қабылдаған: Байназарова Гульсим Мекеновна

Көкбауыр, splen (lien), иммунды жүйенің ең ірі мүшесі, салмағы 140-200 гр жуық. Көкбауыр (талақ) сол қабырға доғасының астында, ортаңғы қолтықасты сызығымен ІХ және ХІ-ші қабырғалардың арасында анықталады. Мүшенің көкетпен жанасатын – көкеттік беті, facies diaphragmatica; асқазанмен, жиектік ішектің сол иілімімен, сол бүйрекпен, сол бүйрек үсті безі және ұйқы безінің құйрығымен жанасатын – висцералды беті, facies visceralis, бар.

Көкбауырдың түсі қошқыл-қызыл, консистенциясы жұмсақ болады. Мүшенің висцералды бетінде қақпасы орналасқан. Көкбауырдың паренхимасы ақ және қызыл ұлпадан түзіледі. Ақ ұлпа, pulpa alba, лимфоидты түйіншелерден, қызыл ұлпа, pulpa rubra, қызыл түс беретін эритроциттерге, лимфоциттерге, макрофагтарға толы ретикулярлы тіннен тұрады. Көкбауырда өмірлік циклін аяқтаған эритроциттер бұзылады, сонымен қатар Т және В-лимфоциттер іріктеледі.

Егер баланың көкбауырын ота арқылы алып тастаса, ол өсе келе бактериалды инфекциялық ауруларға жиі шалдығады. Адам көкбауыры ауырғанын сезіне бермейді. Сондықтан, алғашқы кезеңдерінде диагностика жасау қиын болып келеді.

Көкбауырдағы кесел – жиі кездесетін және ауыр инфекциялық, созылмалы жүрек қан-тамыр, ағзадағы өзге қабыну ауруларында тексеру кезінде қосымша анықталып жатады. Ер адамдарға қарағанда әйелдер мұндай ауруларға көп шалдығады. Сондай-ақ, әйелдерде іштегі бұлшықеттер әлсіз болғандықтан, көкталақ ішке қарай жылжиды. Көкбауырды сақтамаса, мұның соңы қауіпті аурулардың пайда болуына әкеліп соғады. Қызметі бұзылғанда, көкбауырдың көлемі ұлғаяды, не болмаса іріңді жарадан ет өседі, ісікке айналады.

Қанжасау – лимфоциттерді түзеу (антигенге тәуелді лимфопоэз)

Көкбауыр ауруларының сәулелі семиотикасы

Көкбауыр зақымдалуының сәулелі семиотикасы

Көкбауыр іш қуысының жиі зақымдалатын мүшесіне жатады. Оның зақымдалуының бірнеше түрлерін ажыратады: көкбауырішілік немесе субкапсулярлы гематома, капсуланың жыртылуымен және сұйықтықтың периспленальды жиналуымен ұсақ жыртылулар, көкбауырдың толық жыртылуы, қан тамырлы аяқшаның үзілуі.

Іштің шолу рентгенографиясы: көкбауыр көлеңкесінің кеңеюі, асқазан- ның медиальды ығысуы, тоқішектің сол жақ иірімінің төмен қарай ығысуы. Ангиография қан тамырлы аяқшаның жыртылуы кезінде, көкбауыр артериясының эмболизациясын орындау кезінде тиімді.

УЗИ: көкбауырдың айналасында, іш қуысының сол жақ бүйір өзегінде және доға тәрізді кеңістікте сұйықтықтың болуы. Субкапсулярлы гематома кезінде көкбауырдың кеңейген немесе жаншылған болуы мүмкін, ал гематома алдымен, гиперэхогенді түзіліс түрінде болады. Резорбция нәтижесінде гематома құрамының эхогенділігі төмендейді және ол киста түрінде анықталады.

КТ: көкбауырдың жарақатына туған кезде таңдаулы әдіс болып табылады. РКЗ көк тамырішілік енгізу гематома және көкбауырдың жыр- тылуы диагностикасында маңызды рөл атқарады. Көкбауырішілік гема- томалар қоршаған паренхимаға қарағанда, тығыздығы төмен түзілістер түрінде анықталады. Субкапсулярлы гематома көкбауырдың жиегін кеңейтеді және жаншиды. Гематомада жаңа қанның болуы жұтынудың әртүрлі коэффициенттерін шақырады, бұл оған «пиязшалы қап» түрін береді. Толық жыртылу - көкбауырдың дұрыс емес жиегімен, айналасында сұйықтықтың болуымен, біркелкі емес құрылымымен көрінеді. Қан тамырлы аяқшаның жыртылуы перфузияның жартылай бұзылуын шақырады, бұл әдетте, көкбауырдың төменгі төрттен үш бөлігін қамтиды, себебі, оның жоғарғы бөлігі қосымша қысқа асқазан артериясы арқылы қанмен қамтамасыз етіледі.

Достарыңызбен бөлісу: