Оспан Жансая Елеуқызы Қазақ тілі мен әдебиеті пәнінің мұғалімі

Жүру   барысы:

1-жүргіуші Құрметті ұстаздар! Тәуелсіздік жолында сан ғасырлық тарихы бар Қазақ елі ерлік пен елдіктің арқасында бірлігін сақтай отырып бүгінгі күнге жетті. Қанша жыл, қанша уақыт өтседе ұмытылмай ел есімінде мәңгі сақталатын еліміздің Егемендік алған күні. Ұмытылмайтындылығы - оның халық тағдырымен байланыстылығы. Асыл да аяулы ұл- қыздарымыздың арқасында Қазақстан Егеменді мемлекет болып дүниежүзіне танылды.

2-жүргізуші: Содан Сондықтан еліміздің Тәуелсіздік мерейтойын атап өту барша қазақ елі үшін үлкен қуаныш! Осыған орай 11- сынып оқушыларының "Көк байрақ көкте желбіреп..." атты ашық тәрбие сағатын бастауға рұқсат етіңіздер!

1-жүргізуші: Армысыздар, аяулы халқым менің,

Ардақта дәстүрінді, салтынды елім,

Аяулым, алтын бесік, қара орманым,

Өзіңсін, Қазақстан, ән арманым!

2-жүргізуші: Армысыздар, аяулы алтын елім,

Салем саған алтын күн, халқым менің,

Ашық болсын көк аспан, нұрлы жерің,

Құтты болсын мерекелі күнің бүгін.

Қол жеткізген асыл ұрпақ емес пе ең?

Орындалып арманы байтақ елдің!

Тарихынан халқымның бір үздік сыр,

Айта бергім келеді айта бергім.

ХҮ ғасырда қазақ хандығы құрылды. Алайда тәуелсіз Қазақ елі бейбіт, тыныш өмір сүре алмады. Ұлан байтақ елімізге тұс-тұстан көз тігіп, ойран салушылар көбейді. Қазақ үшін осы бір кезеңдер, туған елінен, туған жерінен айырылған, далада жосыған халыққа жаулардың шабуы Ақтабан шұбырынды, Алқакөл сұлама деген атпен қалады. Жұрт Алқакөлге аялдап, қасиетті Қаратауға бас сауғалады. Қаратаудың баурайында қалың қазақ бас қосты.

(сахнаға батырлар шығады)

Қария: Қайран Отырар! Шыңғыс ханның шапқыншылығынан қол астында қалған қала. Қазақтың қаншама қасиетті кітаптеры мен ғылымды өрт астында қалған жылдар. Шығыстың ғылым ордасы Отырар кітапханасы жоғалып, өнер, ғылым, білім мен мәдениетімізге кедергі келтірді.

(«қазақша күй» Ұлы жүз, Орта жүз, Кіші жүз найзаларын біріктіреді)

Қария: Иә, 1923-33жылдары адам айтса нанғысыз ашаршылықта 6 миллиондай халықтың 2,5мил. опат болды. Тағы аштық, жалаңаштық, тағы да өлім. Өз атамекенін тастап қырғыз, өзбек, түрікмен, тәжік, орыс жерлеріне қоныс аударған халық. Осы уақытта қазақ зиялыларын қамауға алу басталды, қазақтың бес арысы мен үш алыбы Ахмет Байтұрсынов, Міржақып Дулатов, Жүсіп Аймауытов, Шәкәрім Құдайбердіұлы, Мағжан Жұмабаев, Сәкен Сейфуллин, Ілияс Жансүгіров халық жауы атанып, кете барды...

Замана сондай қағылды,

Қағынбаса нағылды,

Құрсаулы қара нардай боп,

Қарсы алдынан шабылды,

Арғымақтың жүйрігі,

Арбада кетті шабылмай,

Мұсылманның жақсысы,

Абақта кетті табылмай.

(оқ атылған дауыс, музыка) слайд

Қария: 1941-1945 жылдар аралығында адамзат тарихында болмаған алапат соғыста, бірлік, достық жолында жан қиған қазақ батырлары фашизимнен бүкіл адамзатты, азаттықты қорғап ерекше ерлік көрсетті.

(соғыс кезіндегі музыка)

Әлия, Мәншүк, Мәлік пен Төлеген,

Қас батырдың ерлігімен теңелген,

Қасым, Рақым, Бауыржандай ұл туған,

Қазақ елім, батырсың-ау не деген?

Соғыс жұлып кетсе де, әрбір үйдің тірегін,

Соғыс өрті жалмаса да, әрбір адам жүрегін,

Қас батырдың ұрпақтары, қас жауына беріспей,

Жеңіспенен оралды олар туған елге көріспей.

Қария: Иә, қазақтың еркіндікке қол созған қасіреті осымен аяқталған жоқ. Күллі әлемді дүр сілкінткен 1986жылғы Алматыдағы желтоқсан оқиғасы қазақ топырағына ұлттық сананың намысы жетелеген жаңа әрі қайсар буынды әлемге паш етті. Қазақ елінің 70 жыл бойы отарлықтың әкімші саясатынан іште беріш боп қатқан ашу ызасы тұңғыш рет осы буынның мінезі арқылы сыртқа шықты және бұл қайта құру кезеңінің ұранына сай жаңа демократиялық қозғалыстың басы болды.

(Сахнаға бір топ студенттер плакат алып шығады)

1-студент: «Бізге шындық керек, біз әділетті қолдаймыз»

2-студент: «Бізге өз көсеміміз керек»

3-студент: «Әркімге өз көсемі өз елінен болсын»

4-студент: «Әр республикаға өзінің басшысы болсын!»

Қайрат:  

Өткен заманымызда бас кесер өлім алдында өлім жазасына

кесілгендердің соңғы тілегін орындайды. Менің де соңғы ақтық сөзім

бар.

(Қайғырған музыка журіп тұрады)

Ақтық  сөзі:

Жалалы боп, қатты батты жаныма,

Жазалаушы қағаз алдым қолыма

Жігіттер- ай, айтып айтпай не керек

Жазған екен маңдайыма сорыма,

Біріншіден, мен анамды сағындым,

Екіншіден, бұл құдайға не қылдым

Бостандықта еркін жүрген жан едім

Енді міне, абақтыға жабылдым,

Әкетай- ау, Пайғамбардай жасың бар

Туа бермес сіз секілді  асылдар

Қартайғанда жүрегіңізді жаралап,

Кесір болды ай біз секілді масылдар.

Айналайын, қарындасым, қарағым,

Қолда кісен, мен айдауға барамын.

Қайғы шегіп, азап тартқан ағаңды,

Айтшы жаным, қандай жанға баладың.

Айналайын, інішегім, құлыным,

Сені ойласам үзіледі жұлыным.

Сенің ерке ақ жүзіңді көре алмай,

Кетіп барам мен айдауға құлыным.

Айналайын ағалар мен жеңгелер,

Сіздерге кім бұл өмірде тең келер.

Сүмірейіп сот алдында отырған,

Бауырыңды енді кімдер ескерер.

Өздеріңе аман — саулық тілеймін,

Өздеріңмен бірге болсын тілегім

Өздеріңе тіл қата алмай достарым,

Қайғы мұңлы өмірімді бастады.

Мен не етермін, не етермін,

Мен келмеске кетермін.

Көрмеген хош бол, таңдарым,

Көре алмай мен өтермін.

Қария: Міне, ұрпақтарым, қазақ елі, қазақ жері осыншама қайғы-қасіретті бастан кешіріп, бүгінгі тәуелсіздікке қол жетті. Осы еркіндігіміз бен тәуелсіздігіміздің қадір-қасиетіне жетіңдер. Өз елің мен жеріңді қорғап, ата-бабаларыңның қанымен, жанымен қорғаған кең байтақ қазақ жерін көздің қарашығындай сақтап, ұлтымыздың рухы мен тілін, дінін сақтап, келешек ұрпаққа жеткізу сендерге аманат! Аманат! Аманат!

1-жүргізуші:  Иә, бұл күнге жету үшін ата-бабамыз қан төкті, жанын берді, бүкіл жеріміздің тұтастығын сақтап, ұрпақтан-ұрпаққа табыс етті.

2-жүргізуші: Міне, осы тәуелсіздіктің туын желбіреткен ұлтжанды аға-апаларымыздың арқасында егеменді ел болуға қол жеткіздік.Елбасымыз" Бұл дүниеде біздің бір ғана Отанымыз бар, ол – тәуелсіз Қазақстан"деген болатын.Сол тәуелсіз Қазақстан жылма - жыл даму, жаңғыру жолына бет бұрды. Даңғыл жолдағы жетістіктерді тізгіндесек:

1991 жылы Қазақстан Республикасы Мемлекеттік тәуелсіздігі туралы заң қабылданды.

1991 жылы 10 қазанда қазақ халқының тұңғыш ғарышкері Тоқтар Әубәкіров ғарышқа самғады.

1992 жылы маусым айында Қазақстан БҰҰ-на мүше болды

Сонымен қатар Тәуелсіз Қазақстан ел рәміздері: Туын, Әнұранын, Елтаңбасын қабылдады.

1993 жылы 15 қарашада Қазақстан Республикасының ұлттық валютасы -төл теңгеміз дүниеге келді .

1994 жылы Мемлекеттің тұңғыш ордендері мен медальдары дүниеге келді.

.1995 жылы 30 тамызда Жаңа Ата Заңымыз қабылданды.

1992 ж. 7 мамыр – Отан қорғаушылар күні деп жарияланды.

Мемлекетіміздің өсіп-өніп, шыңға жетіп өркендеуі – біздің жетістігіміз, мақтанышымыз.

Өзіңдікі жерің де,

Асқар тау да сенікі

Бау-бақшада сенікі

Бәрі-бәрі сенікі
2 -жүргізуші:  Армандарды жақындатып тым алыс,

Біздің жаққа жеткен екен жылы ағыс,

Егемендік-ел бақыты ертеңгі,

Құтты болсын егемендік-қуаныш!