Педагогикалық-психологиялық қызметтің 2015-2016 оқу жылында жасалған жұмыстарға жылдық есебі

2015-2016 оқу жылында педагогикалық-психологиялық қызметте жоспар бойынша жұмыс жасалды. Балалармен қыркүйек, қазан, сәуір және мамыр айларында балаларды диагностикалап қараша-наурыз айлары аралығында коррекциялық түзету-дамыту жұмыстары жүргізілді. Кеңес беру қызметі қажет етілген уақытта берілді. Ағартушылық жұмыс айлық жоспар негізінде жұмыстар жүргізілді.

Білім беру барысында балалардың дамуы үшін психологиялық көмек көрсету арқылы, балалардың жеке тұлға ретінде қалыптасып, дамуына ықпал жасау.

1. 
   Балалардың жасерекшеліктері мен жеке дамуын ескеріп, әр балаға сай психологиялық тұрғыдан жағдай жасау;
   
2. 
   Білім беру саласында әр балаға дер кезінде психологиялық көмек көрсету және алдын-алу жұмыстарын жүргізу;
   
3. 
   Педагог кадрлар мен ата-аналарға психологиялық көмек беру арқылы психологиялық білімдерін кеңейту.
   

1. Психодиагностикалық жұмыс

2. Коррекциялық түзету-дамыту жұмыстары

3.Ағартушылық жұмыс

4. Кеңес беру жұмысы

5. Ұйымдастырушылық-әдістемелік жұмыс

2015-2016 оқу жылының қыркүйек айында «Алғашқы қадам» және «Зерек бала» топ ата-аналары арасында «Отбасының әлеуметтік жағдайын анықтауға» арналған сауалнама алынды. Балалардың отбасы туралы толық мағлұмат алу мақсатында жүргізілді. Сауалнамаға 38 ата-ана қатысты. Толық отбасы 38, толық емес отбасы, ажырасқан, сәтсіз отбасылар жоқ. (Сауалнаманың жалпы қорытындысын №1 хаттамадан көруге болады).

Қыркүйек, қазан және сәуір, мамыр айларында «Алғашқы қадам» топ балаларына «Бине-Симон шкаласы» әдістемесі жүргізілді. Әдістеме мақсаты: балалардың таным процестерін жалпы анықтау. Әдістеме қорытындысы бойынша балалар берілген сұрақтарға толығымен жауап бере алды. (хаттама №2)

Балалардың зейінінің шоғырлану деңгейін анықтауға барысында «Не өзгерді?» әдістемесі алынды. ( хаттама №4, №13)

Балалардың заттарды толық қабылдау қабілеттерін анықтауға арналған «Не жоғалды?» әдістемесі алынды. ( хаттама № 6, 15)

Есте сақтау қабілеттерін және ақпаратты дыбыстап айтуын анықтау мақсатында «Суреттерді есіңде сақта» әдістемесі жүргізілді. (хаттама №8,17)

Балалардың образды-логикалық ойлау, ақыл-ой операциясын талдауы мен біріктіруі қабілеттерін анықтау мақсатында «Төртінші артық» әдістемесі жүргізілді. ( хаттама 10, 19)