Сабақ жоспары тақырыбы: «бауырмалдылық ЖӘне кеңпейілділік»
жүктеу/скачать 1,06 Mb.
|
| ҚАЗАҚСТАН РЕСПУБЛИКАСЫ ҒЫЛЫМ ЖӘНЕ БІЛІМ МИНИСТРЛІГІ
АЛМАТЫ ҚАЛАСЫ АЛАТАУ АУДАНЫ И.Қ.МАНДОКИ АТЫНДАҒЫ №154 ЖАЛПЫ БІЛІМ БЕРЕТІН МЕКТЕП ӨЗІН-ӨЗІ ТАНУ ПӘНІНЕН САБАҚ ЖОСПАРЫ ТАҚЫРЫБЫ: «БАУЫРМАЛДЫЛЫҚ ЖӘНЕ КЕҢПЕЙІЛДІЛІК» СЫНЫП: 6 «В» МҰҒАЛІМ: КОПАБАЕВА М.С. АЛМАТЫ 2015 Бекітемін: Мектеп директоры Алмасбаева Қ.Қ. Мектеп: И.Қ.Мандоки атындағы №154 ЖББМ Күні: 14.11.2015 № 12 Тақырып: Бауырмалдылық және кеңпейілділік Құндылық : сүйіспеншілік Қасиеттер: бауырмалдылық, татулық, кеңпейілділік Мұғалiм: Копабаева М.С. Сынып: 6 «В» Оқушылар саны: 25
«ӨЗІН-ӨЗІ ТАНУ» РУХАНИ-АДАМГЕРШІЛІК БІЛІМ БЕРУ БАҒДАРЛАМАСЫ БОЙЫНША (3) ДЕҢГЕЙЛІК БІЛІКТІЛІКТІ АРТТЫРУ КУРСЫНЫҢ ТЫҢДАУШЫСЫ КОПАБАЕВА МЕИРКУЛДІҢ ӨЗІН – ӨЗІ ТАНУ ПӘНІНЕН 6 «В» СЫНЫБЫНА «БАУЫРМАЛДЫЛЫҚ ЖӘНЕ КЕҢПЕЙІЛДІЛІК» ТАҚЫРЫБЫ БОЙЫНША ӨТКІЗГЕН САБАҒЫНА РЕФЛЕКСИВТІ ЕСЕП Мен Копабаева Меиркул 2015 жылдың 14 қарашасында Алматы қаласы, Алатау ауданы, И.Қ.Мандоки атындағы №154 жалпы білім беретін мектепте өзін-өзі тану пәні бойынша 6 «В» сыныбында «Бауырмалдылық және кеңпейілдік» тақырыбында сабақ өткіздім. Сабақта өзін-өзі танудың әдістемелік тәсілдері (тыныштық сәті, үй тапсырмасын тексеру, дәйексөз, әңгімелеу, шығармашылық жұмыс, топпен ән айту, соңғы қорытынды сәт) толығымен қолданылып жүзеге асырылды. Тыныштық сәтінен алған әсерлері: Нұрсұлтан: «Мен орманды, көп ағаштарды көз алдыма елестеттім. Құстарды көрдім. Орманның ішінде аңдар, құстар болды. Мен көптеген ағаштарды көрдім. Өзіме ұнаған ағашқа сүйеніп отырмын. Мен өз тілегімді ішімнен айттым. Маған орманда болған қатты ұнады. Көңіл күйім көтеріліп, сергіп, миым тынығып қалды. Жақсы әсер алдым». Айым: «Маған тыныштық сәті қатты ұнайды. Оймен қалаған жерге барып, қалаған нәрсенді елестете аласың. Мен жасыл орманды көз алдыма елестеттім. Онда әдемі гүлдерді, көбелектерді көрдім. Сіз айтқандай өзіме ұнаған ағашты таңдадым. Керемет әсер алдым, әуенде тамаша әсер етті». Шығармашылық жұмыс: Әртістер тобы: Бауымалдылыққа байланысты топпен көрініс қойды. Оқушылар көріністе өз сыныптарына келген орыс ұлты өкілін басында жақтырмағандарын, кейіннен жаңадан сыныпқа басқа қазақ баласының келіп ол оқушымен дос болып, басқа балаларға қателіктерін түсіндіргендері туралы болды. Оқушылар өздерін еркін ұстап ойларын дұрыс жеткізе білді. Әр бала өзіне артылған міндеттерін толық орындап шықты. Олар көріністерін айналайын адамдар әрдайым жүрегіміз сүйіспеншілікке толы болып, бауырмалдылықты, кеңпейілділікті ұмытпайық деп аяқтады. Суретшілер тобы: ұл мен қыздың бүкіл әлемді алақандарына салып тұрған суретті бейнелеген. Олар суретті қорғағанда, қандай ұлт өкілі болмасын бір әлемде тұрғандықтан бір біріне бауырмал болып, сүйіспеншілік танытуы тиіс деп аяқтады. Жазушылар тобы: эсселерінде бауырмал тек өз туғанын ғана емес, барша адамзат бір-біріне бауыр болуы тиіс деп аяқтады. Ақындар тобы: Өлең шымақтарын шығарды: «Бауырмалдық» Орыс, Қытай болсын мейлі, Біз бөлмейміз ешкімді. Ол болсын мейлі басқа елден, Достасып алу керек оларменен, Бауырым деп қорғауымыз тағы керек. Оқушылардың рухани-адамгершілік көзқарастағы маңызды жауаптары: Алдияр: «Біздің достарымыз қандай ұлт болсада, біз оларды жек көрмеуіміз керек. Біз олармен бауырмашыл болуымыз керек». Нұрсұлтан: «Бір-бірімізді басқа ұлттарға бөлмей, бауырмашыл болуымыз керек». Диана: «Ұлттарды бөліп жармау керек». Досымжан: «Зигмундфрейд бақытқа бөленді, атасы қамқорлығына алды жан-жылуына, сүйіспеншілікке бөленді». Мақсат: «Орыс, қазақ деп бөлмей, бауырмал болу керек». Мейірбек: «Адам өзінің бауыры болмаса, басқаларды да өз бауырындай сүю керек». Оларды дінге, ұлтқа бөлуге болмайды». Нұрлыбек: «Бейнебаянда ағасының інісіне қалай қамқорлық жасағаны, өзі шөлдеседе суды ішпей бауырына беруі керемет әсер етті, мен бұл жерден бауырлардың арасындағы сүйіспеншілікті көрдім». Оқушылардың сабақ мазмұнына қызығуы, шабыттану сәттері: Бұл сабақты оқушылар ерекше қабылдады. Мен өз оқушыларымды басқа қырынан көрдім. Олар балалықтарын қойып, өздерін үлкен ересек адамдар секілді ұстап, сұрақтарға кең ауқымды түрде жауап қайырып отырды. Олар бауырмалдылықты тек туған бауыры, аға, іні, қарындас деп қана түсініп қойған жоқ, олар үй тапсырмасын сұраған сәттен бастап олардың ой өрістерінің кең екендігін, олар бауырмалдылық деп барша адамды жақсы көру, сыйлау, сүйіспеншілікпен қарау деп түсінген. Оқушылар құндылықты өздері тауып, бұл құндылықты жүректерімен түсінгендерін, шығармашылық тапсырма барысында анық көрсете білді. Менің сабағымның дәл осылай сәтті, жоғары нәтиже көрсетеді деп ойламаған едім. Ал оқушыларым шыныменде, менің көрсеткен бейнебаянымнан, айтқан әңгімемнен кейін шабыттанып, шығармашылық жұмысында шынайы шабыттанғандықтарын көрсете білді. Шабыттанғандықтары сонша сахналау кезінде шынайы өз сыныбымыздағы әртүрлі ұлт өкілдері бар екендігін ескере отырып, олармен тату тәтті бірге білім алып жатқандықтарын көрсете алды. Мән мағынасы жағынан өте терең жақсы көрініс көрсетті. Ақындар тобы топпен өлең шығарып болғаннан кейін де, өздері тағы да жекелей сабақ соңына дейін өлең шығарып, өлеңдерін оқыды. Сабақта орындалған және орындалмаған мақсаттар бойнша: бүгінгі сабақта алдыма қойылған мақсатыма толық жете алдым. Сабақты өзгерту мен жақсарту бойынша ұсыныстар: Сабаққа қатысқан мектептің оқу-тәрбие ісі жөніндегі орынбасары Егіншиева Анар Тұрысжанқызы: «Мен бүгінгі сабақ керемет өтті деп айта аламын. Оқушылар жан- жақты өздерін көрсете білді. Сабақ өз мақсатына жетті. Барлық әдістер өз орнымен. Ұсынысым:оқушыларды алдын ала топқа бөлмей, кәмпиттер тарату арқылы немесе кеспе қағаздар, түрлі-түсті суреттерді таңдату арқылы топқа бөлінсе, әр топ өз ережесін құрып, соңын ортақ топ ережесін 5 «Т» ережесіне сәйкестендіріп, тақтаға жазып қойылса деген ұсыныс болды. Ағылшын тілі пәні мұғалімдері: Мусабекова Мақпал: «Маған бүгінгі өзін-өзі тану пәнінен өткен сабақтарыңыз қатты ұнады. Мен бұл сыныпқа ағылшын тілі пәнінен беремін. Оқушылардың шабыттанып сабақтың соңына дейін өлең шығарып оқығандары, көрініс көрсеткендері қатты ұнады. Барлық топ өздеріне берген тапсырмаларды орындады. Ұтымды жауаптар айта білді». Қалыбекова Данель: «Сабақтан ерекше әсер алдым. Оқушылар сұрақтарға ересек адамдар секілді жауаптар бере алды. Шығармашылық жұмыстары қатты ұнады». Сабаққа қатысқан пән мұғалімдері оқушыларға керемет, қызықты сабақ үшін алғыстарын білдіріп, оқуда тек сәттілік тіледі. Өзін –өзі тану сабағынан кейін оқушылардың әрекеті мен мінезінде байқалған өзгерістер: Диана: «Мен бүгінгі сабақтан өзіме жақсы көңіл-күй, көңілді әрі қызықты сабақ алдым». Алдияр: «Мен осы сабақтан басқа ұлттардың балаларына бауырмашалықпен, сүйіспеншілікпен қарау керек екендігін білдім». Зарина: «Мен бұл сабақтан түйгенім, адамдар бауырмал болуы керек». Спандияр: «Өте жақсы өтті деп ойлаймын. Әрдайым осындай көңіл-күймен жүру керек». Анель: «Мен осы сабақта бауырмалдылық пен сүйіспеншілікті жүрегіме алдым». Сыныпта өзге ұлт оқушылары болғандықтан олар бір-біріне осы уақытқа дейін сен ұйғыр немесе татарсын деп кемсіткен емес. Осы сабақтан кейін олардың арасындағы бауырмалдық сезімі арта түседі деп ойлаймын. Оқушылар сабақ аяқталғаннан кейін сыныптың ішін жинастырып, көмектесіп, сабақтан алған әсерлерімен бөлісті. Оларға сабақтың қатты ұнағандығын айтты. Алдағы уақытта да осындай сабақтар өтілсе екен деген тілектерін білдірді. Мұғалім: Копабаева М.С. Өзін – өзі тану пәнінен 6 «В» сыныбына «Бауырмалдылық және кеңпейілділік» тақырыбы бойынша өткізген сабағынан суреттер 
 Каталог: uploads -> doc -> 0908 doc -> Сабақтың тақырыбы Бала Мәншүк ( Мәриям Хакімжанова) Сілтеме doc -> Ана тілі №2. Тақырыбы: Кел, балалар, оқылық Мақсаты doc -> Сабақ жоспары «Сәулет және дизайн» кафедрасының арнаулы пән оқытушысы, ҚР «Еуразиялық Дизайнерлер Одағының» мүшесі: Досжанова Галия Есенгелдиевна Пәні: Сурет және сұңғат өнері doc -> Сабақ Сабақтың тақырыбы : Кіріспе Сабақтың мақсаты : «Алаштану» курсының мектеп бағдарламасында алатын орны, Алаш қозғалысы мен Алашорда үкіметі тарихының тарихнамасы мен дерекнамасына қысқаша шолу doc -> Тәрбие сағаттың тақырыбы: Желтоқсан жаңғырығы doc -> Сабақтың тақырыбы : Әбунасыр Әл- фараби Сабақтың мақсаты doc -> Сабақ жоспары Тақырыбы: Үкілі Ыбырай Мектеп:№21ом мерзімі 0908 -> Сабақ барысы: Шаттық шеңбері 0908 -> Сабақтың тақырыбы: Тұздар гидролизі. Биосферадағы тұздар гидролизінің маңызы. Сутектік көрсеткіш. Сабақтың мақсаты 0908 -> Сабақтың барысы: I. Ұйымдастыру кезеңі. а Сәлемдесу. ә Оқушыларды сабаққа бейімдеу жүктеу/скачать 1,06 Mb. Достарыңызбен бөлісу:
|