Сабақтың тақырыбы: Менің Отаным Қазақстан (1 сынып) Мақсаты



Дата06.01.2020
өлшемі18,96 Kb.
#55490
түріСабақ
Байланысты:
1а сынып танымдық сабақ

1.09.18 ж

Сабақтың тақырыбы:Менің Отаным - Қазақстан (1 - сынып)
Мақсаты:

Отаны туралы білімдерін кеңейту. Тәуелсіз, бейбіт ел туралы ұғым қалыптастыру. Кең-байтақ жеріміз, пайдалы қазбаларымыз жөнінде ұғымдарын қалыптастыру. Еліміздің рәміздерін қастерлей білуге үйрету.

Отанын, туған жерін қорғай білуге, ұлтжандылыққа, атамекенін көздің қарашығындай сақтай білуге жетелеу.  Ата Заңымызды қадірлеуге, туған еліне, жеріне деген   сүйіспеншілікке тәрбиелеу. Отансүйгіштікке баулып, патриоттық тәрбие беру. Туған еліне, жеріне деген сүйіспеншілігін арттырып, махаббат сезімін ояту. Оқушыларды достыққа, адамгершілікке,  елінің мұрасын жалғастырушы азамат болуға тәрбиелеу.  
Көрнекілігі: «Менің Отаным – Қазақстан» кітабы. Елбасы суреті, Қазақстан Республикасының картасы, рәміздері, қанатты сөздер, буклет, Астана қаласына байланысты суреттер. Әдісі: таныдық сабақ

Сабақтың барысы.
І. Ұйымдастыру кезеңі
Психологиялық дайындық 
«Шаттық » шеңбер:

Бір шаңырақ астында,


Қазақстанда тұрамыз.
Бірге сайран құрамыз,
Бір үйде біз тұрамыз.
      Құт, береке-шаңырақ,
      Орын алған ол төрде.
      Билігім өз қолымда-
      Еркіндігім- Елімнің!   
    

- Біздің Отанымыз-Қазақстан. Мемлекетіміз тәуелсіздік алғалы Қазақстан Республикасының жетістіктері өсуде. Осынау жылдарда елдігімізді танытып, еңсемізді көтерген қаншама ұлы оқиғалар бар. Қазақстан Республикасы 1991 жылы 16 желтоқсанда өзінің тәуелсіздігін жариялап, дербес мемлекет болды. Осы өткен жолдарымызға қарасақ, әр жылдың өз шежіресі, сыры, тарихы, қасиеті бар. Қазақстанды мекендеген барлық халықтардың ұлттық мәдинетін көркейтіп, бірлігі мен ынтымағын жарастырып отырған ұлы елміз. Осыған орай ұйымдастырған «Менің Отаным-Қазақстан!» атты тәрбие сағатымызға қош келіпсіздер!


- Балалар, «Отан дегеніміз не?»

(Оқушылардың жауаптары тыңдалады)

- Отан дегеніміз - адамның туып- өскен жері, туған- туысқандарымен, жақындарымен, бірге тұратын атамекен. Қазақ елінде тұратын адамдардың Отаны- Қазақстан Республикасы.

- Балалар, біз қазір елімізді, жерімізді тереңірек танып білуіміз үшін пойызбен саяхатқа шығамыз. Осындай аялдамаларға тоқтаймыз:

1. «Менің Тәуелсіз Мемлекетім» аялдамасы. (Қазақстан Республикасының Мемлекеттік Рәміздері туралы)

2. «Отанымыздың елордасы – Астана» аялдамасы.

3. «Менің өлкем» аялдамасы.(Өзінің өлкесі жөнінде мәлімет беру)

4. «Қазақстанның көрікті жерлері» аялдамасы

Мұғалім:

Мақтансаң мақтан елім деп,


Тани біл елдік таңбаңды.
Елтаңба,Туын,Әнұран-
Тәуелсіздікке тәнтбелгі-
Қасиетті осы рәміздер.
Еліме рух, мән берді,
Иесі оның мына біздер

1. Қазақстан Республикасының Мемлекеттік Рәміздері туралы білімдерін жетілдіру (Бүктеме қолдану)

Елтаңба, Ту,Гимн– Мемлекеттік рәміздер. Олар еліміздің тарихын, дәстүрін,

болашағын  айқын көрсетеді.

Біз – Қазақстан Республикасының азаматтарымыз.

Қазақ тілі – мемлекеттік тіл.

Қазақстан Республикасының Ата Заңы – негізгі заң. Осы жылы Қазақстан

Республикасының Конституциясына 20 жыл толып отыр.

Елбасымыз – Нұрсұлтан Әбішұлы Назарбаев.

2. «Отанымыздың елордасы – Астана» аялдамасы. (Астана қаласы көрінісі, бүктеме, слайд)

Отанымның төрінде,
Сарыарқаның өрінде.
Ту ұстаған Астанам,
Әсем қалам - бас қалам.

Астана – Отанымыздың елордасы. Президентіміз Нұрсұлтан Назарбаевтың

ұсынысымен 1997 жылы қала Қазақстанның жаңа астанасы болып жарияланды. Қаланың ортасынан Есіл өзені өтеді. Астана тез өсіп, дамып келеді. Ол – еліміздің мақтанышы. «Астана- Бәйтерек» кешені – Астананың символы. Оның ең жоғары қабатына шығып қарасаң, жас әрі жаңа Астананың керемет көркін тамашалайсың.

3. «Менің өлкем» аялдамасы.

– Балалар, бұл не? (Карта)

- Бұл Қазақстан Республикасының картасы. Онда әр түрлі түстермен облыстар

белгіленген. Қазақстан Республикасы бойынша 14 облыс орналасқан. Біз Атырау облысында тұрамыз. Атырау облысы еліміздің батысында орналасқан.

(Барлық облыстарды атап өтіп, картадағы орналасқан

жерімен таныстыру, әр облыста өндірілетін өнімдер туралы мәлімет беру).

4. «Қазақстанның көрікті жерлері» аялдамасы

«Менің - Отаным Қазақстан» кітабын қолданып, оқушыларға Хантәңірі шыңы, Бурабай, Маңғыстау түбегі, Қатон-Қарағай ұлттық табиғи саябағы, Шарын шатқалы туралы шағын мәліметтер беру.

Ойын: «Мен елімнің азаматымын»Әр оқушыларға суреттер беріледі. (Әр ұлттың ұлттық киімдері, салты, музыкалық аспаптары т.б.) Оқушылар тек қазақ халқына тиесілі суреттерді бір жерге жинайды. Неге сол затты таңдағандарын дәлелдейді. Ойын соңында балалар смайлдармен мадақталады



Қорытынды.

Бүгін сендер Отанымыз туралы көп мәлімет алдыңдар деп ойлаймын. Біздің Отанымыз Қазақстан екенін, еліміздің тарихы өте бай екенін білдіңдер. Біз бәріміз өз Отанымызды, әсем Астанамызды мақтан етеміз. Өйткені елімізде адамдар бір-бірін сыйлайды, көп ұлттың өкілдері тату-тәтті өмір сүреді.



Қазақстанда бәрімізге тең құқық берілген. Білім алғысы келетін адамдардың бәріне

жақсы мүмкіндік бар. Балалар, сендер де мектеп табалдырығын аттағаннан бастап өздеріңе артқан үмітті, сенімді ақтағандарың жөн. Білім сапарында сендерге ақ жол тілеймін! Еліміздің мақтан тұтар азаматы болыңдар! 

Достарыңызбен бөлісу:




©engime.org 2024
әкімшілігінің қараңыз

    Басты бет