Сабақтың тақырыбы: Сұраулы сөйлем. Пысықтау сабағы

Сабақтың мақсаты: Білімділік: оқушыларға сұраулы сөйлем жасайтын көмекші сөздер туралы түсінік беру.

Дамытушылық:Оқушыларға бағыт-бағдар бере отырып, өздігінен жұмыс жасауға,ой-өрісін дамытып, қорытынды шығаруға машықтандыру.Тіл байлығын шығармашылық қабілетін дамыту.
Тәрбиелік: Жас ұрпақты елін, жерін, халқын қорғай білуге, азаматтық пен адамгершілікке,ержүректілікке, Отанға деген сүйіспеншілікке тәрбиелеу.
Сабақтың типі: Білімдерін бекіту.
Сабақтың формасы: ұжымдық, жұптық, жеке-дара
Сабақтың түрі: пысықтау сабағы.
Сабақтың әдіс-тәсілі: сұрақ-жауап, ойын, көрнекілік, практикалық жаттығулар
Қолданатын технология: деңгейлеп саралап оқыту.
Сабақтың көрнекілігі: Суреттер, кестелер ,венн диограммасы

Сабақтың барысы:
І. Ұйымдастыру кезеңі.

а) Кіріспе. Амандасу.

Мұғалімнің сұрағы: Оқушылар жауабы:

-Балалар қазір қай ай? Желтоқсан айы.

Бұл айда қандай мейрам бар? 16-желтоқсан-Тәуелсіздік күні.

Не себептен Тәуелсіздік күні Желтоқсан айында аталып өтеді? Жауап жазу.

Суретін тақтаға шығару.

ІІ. Өткенді пысықтау. Бүгінгі сабағымыз оқулықтағы жаттығулармен қоса, қосымша 1,2,3,4 деңгейлік тапсырмалармен өтеді.

Балалар сендер келесі деңгейге көтерулерін үшін әр деңгейдегі тапсырманы дұрыс орындап отырыңдар. Балалар сендердің білімдеріңді бүгінгі қонаққа келген мұғалімдер бағалайды. Сондықтан да сабаққа алғырт, ұжымдық танытып, жақсы қатысайық.

І-деңгей.

А) Үй тапсырмасын тексеру. «Мен бастаймын сен жалғастыр» ойыны. Қазір мен сөйлемді бастаймын сендер жалғастырасыңдар.

1. Сөйлем аяқталған …………… . (ойды білдіреді).
2. Сөйлем сөзден ………… . (құралады).
3. Сөйлемдегі сөздер ……… . (бөлек жазылады).
4. Сөйлемнің бірінші ……… . (сөзі бас әріппен басталып жазылады).
5. Сөйлемнің соңына ………. . (нүкте қойылады).
6. Хабарлы сөйлемнен кейін ……….. . (нүкте қойылады).
7. Сұраулы сөйлемнен кейін ……….. . (сұрақ белгісі қойылады).

ІІІ. Жаңа сабақ. Пысықтау сабағы.

1. Күн ретін жазу.
2.  Көркем жазу.  (С с әрпін дәптерлеріңе әдемі жазу).

Жаңа сабақты түсіндіру. Тақтаға сурет арқылы көрсетілген мысал жазу.

Жазылуы басқа, бірақ естілуі бірдей сөздер бар ма? (атпа, ат па?)

ІІ-деңгей. «Салыстыр».

Балалар, оқулықтың 99- бетін ашып, 1-жаттығуға қараймыз. Ауызша орындай-мыз.

Бүгін киноға барма. Сенде қарындаш бар ма?

Бірінші бағандағы сөздердегі ма, пе, ме жұрнақтар болады, бірге жазылады, қимылды білдіріп тұр. Екінші бағандағы сөздердегі ма, пе, ме көмекші сөздер деп аталынады, сұраулы сөйлем жасайды, сондықтан да олар бөлек жазылады.

Ережені бір оқушыға дауыстап оқытамын: «Сұраулы сөйлем жасайтын ма, ме, па, пе, ба, бе бөлек жазылады».

ІІІ-деңгей. «Не қажет?» ойыны.

ә) Дәптермен жұмыс. 2-жаттығудың берілгені оқылады. Сөйлем соңындағы ма, ме, па, пе, ба, бе бірге жазыла ма, әлде бөлек жазыла ма? Жақшаны ашып, дұрысын жаз.

Түскі тамаққа кешікпе. Орталыққа кеткендер келіп пе? Айтқаңды түсіндің бе? Қараңғыға қалма. Күн суытты ма? Әрқашан қатарыңнан қалма. Қосымша сабаққа қалды ма?

Сергіту сәті. «Бақа, бақа, балпақ». Ұлдар мен қыздар екі топқа бөлініп айтады.

Қыздар: Ұлдар:
-Бақа, бақа, балпақ, -Темір телпек көп киіп,
Басың неге жалпақ? Басым содан жалпақ.
-Бақа , бақа, балпақ, -Көрінгенге көп қарап,
Көзің неден тостақ? Көзім содан тостақ.
-Бақа, бақа, балпақ, -Су ішінде көп жүзіп,
Бұтың неге талтақ? Бұтым содан талтақ.

б) 3-жаттығу.

Карточкамен жұмыс. Оқушыларға сөйлемдер жазылған карточкалар таратылады. Хабарлы сөйлемдерді сұраулы сөйлемге айналдырып жазады.

1-карточка: Таң атты. Күн шықты.

ІҮ-деңгей. «Шығармашылық жұмыс».

Қар жауады қалай?
Кімдер? жүр шапалақтап,
Балалар не? киеді
Не? беттен сүйеді.

Ү. Сабақты бекіту.«Қандай сөйлемдер?» ойыны.

Мұғалім сөйлемдерді оқиды, оқушылар сөйлемге қандай тыныс белгісін қоя керек екенін анықтап, қолдарындағы таңбаны көрсетеді. (. ? ! ).

1. 16-желтоқсан Тәуелсіздік күні ме?

ҮІ. Сабақты қорытындылау. Бүгінгі сабақта нені үйрендік? Нені білдік?

Сұраулы сөйлем жасайтын ма,ме,ба,бе,па,пе көмекші сөздер бөлек жазылатынын білдік.

ҮІІ. Оқушылардың білімін бағалау. «Ашық журналдағы» бағаларын есептеп, сабаққа қатысу белсенділіктерін талдай келе, оқушылардың білімін бағалау.