Сабақтың тақырыбы: «Тілімде менің сыры терең жаным бар»

Ұлы Абайдың өзі : «Өткірдің жүзі,Кестенің бізі, Өрнегін сендей сала алмас» -деп таңырқап,тағзым еткен тіл. Тілімізге құрмет жасау арқылы біз елімізге құрмет жасаймыз.

Олай болса, бүгін менің шәкірттерімнің өздерінің ана тілге, мемлекеттік тілімізге қандай құрмет жасайтындығын саяхат сабақ барысында байқап көреміз.

Біз бүгін «қазақ тілі» еліне сапар шегеміз. Алдымыздан көп кемежайлар кездеседі. Ондағы тапсырмаларды орындаған оқушылар «Қазақ тілі»  деп аталатын елдің құрметті азаматы атағын жеңіп алады. «Қазақ тілі» еліне жету үшін үлкен кемеге мініп, бірнеше кемежайлардан өтеміз.

1. «АҚЫНДАР» кемежайы

2. «ҚАНАТТЫ СӨЗДЕР» кемежайы

3. «НАҚЫЛ СӨЗДЕР» кемежайы

4. «ГРАММАТИКА» кемежайы

5. «ҒЫЛЫМДАР»кемежайы

6. «ТҰРАҚТЫ СӨЗДЕР» кемежайы

7. «АНЫҚТАМАЛАР» кемежайы

8. «ТАПҚЫРЛАР» кемежайы

ТАПСЫРМА№1.«Ақындар» кемежайы.

Қазақ ақындарының ана тілі туралы жазған өлеңдерінен үзінділер оқы.

1-оқушы: Сүйемін туған тілді – анам тілін,

                        Бесікте жатқанымда-ақ берген білім.

                        Шыр етіп жерге түскен минутымнан

                        Құлағыма сіңірген таныс үнім.

                        Ең бірінші сол тілмен сыртқа шықты,

                        Сүйгенім, сүйсінгенім, жек көргенім.

                                                                        С.Торайғыров.

2-оқушы:   Тағдырыңды тамырсыздық індетінен қалқала,

                        Мазмұн жоқта мазмұнсыздық шыға келер ортаға.

                        Әр адамда өз анасынан басқа да,

                        Ғұмырына етер мәңгі астана,

                        Демеп жүрер, жебеп жүрер арқада,

                        Болу керек құдіретті төрт ана:

                        Туған жері-түп қазығы, айбыны,

                        Туған тілі - мәңгі өнеге айдыны,

                        Жан байлығы, салт-дәстүрі-тірегі,

                        Қадамына шуақ шашар үнемі.

                        Және туған тарихы.        

                                                                                             М.Шаханов.

3-оқушы:      Тілім менің!

                        Ұлы Абай, Мұхтардай пірім менің.

                        Тұнығым, рухани жан азығым

                        Ол бүлінсе, менің де бүлінгенім.

                        Ана тілім, туған тілім,бал тілім

                        Сен арқылы дүние танып талпындым.

                        Сен арқылы әлемге аян бар ісім

                        Сен өмірде таусылмайтын алтыным.

                                                                                          Ш.Айтматов. 

ТАПСЫРМА №2. «Қанатты сөздер» кемежайы  Тіл туралы қандай ұлағатты,қанатты сөздерді білесіңдер?

«Қазақстанның болашағы – қазақ тілінде» Н.Ә.Назарбаев.

«Тіл жүректің айтқанына көнсе жалған шықпайды» Абай.

«Ана тілін өгей ұлдары ғана менсінбейді» Ғабит Мүсірепов.

1.Өнердің алды не деп ойлайсың? Өнер алды қызыл тіл.

Жанды сергітетін не? Жақсы сөз жанды сергітеді.

2.Бал да, у да таматын не? Тілден бал да, у да тамады.

Сүйектен өтетін не? Сөз сүйектен өтеді, таяқ еттен өтеді.

3.Кімнің тілі ортақ? Шешеннің тілі ортақ.

Сөз патшасы не? Өлең – сөздің патшасы.

ТАПСЫРМА №4. «Грамматика» кемежайы.   Қызықты грамматика.

1) Мына сөздерді кішісінен үлкеніне қарай жаз: атасы, немересі, шөбересі, неменесі, шөпшек, туажат,жекжат,баласы.

2) Сөз таптарын ретімен жаз: Зат есім,сын есім, етістік, еліктеу,шылау, одағай, есімдік, үстеу,сан есім.

3) Тілдік бөлшектерді үлкеннен кішісіне қарай ретімен жаз: мәтін, буын, әріп, сөз тіркесі, сөз, сөйлем,әңгіме.