Зикирина Гульдана Токеевна Бастауышпен қоштасу мерекесі. Бастауыш сыныппен қоштасу кешінін, сценарий
жүктеу/скачать 134,37 Kb.
|
| Ақмола облысы Көкшетау қаласы
"№10 орта мектеп"КММ Бастауыш сыныптар мұғалімі Зикирина Гульдана Токеевна Бастауышпен қоштасу мерекесі. (Бастауыш сыныппен қоштасу кешінін, сценарийі) Мақсаты: 1. Білімнің сара жолы бастауыштан басталатынын , бастауышта алған білімнің негіз болып қаланатынына көз жеткізу. 2. Бастауыш сыныбымен , алғаш қолына қалам ұстатқан алғашқы ұстазымен қоштаса отырып, орта буында дәріс беретін ұстаздармен таныстыру,әр баланың ерекшелігін таныта отырып, сәт – сапар тілеу. 3.Білім берер ордасы- мектепті , ұстаздарын құрметтеп, білімге деген құштарлғын арттыру.Өз Отанынының адал ұлы мен қызы болуға тәрбиелеу. Көрнекілігі: «Шуағын төккен 4 жыл» фотомонтажы. Слайдтар. Қанатты сөздер мен тақырып. Кіріспе сөз: Мұғалім: Бұл оқу тамақ болар қарны ашқанда, Жол табар қараңғыда адасқанда . Мал озбас біле білсең білім озар, Ақыры керек болар бір сасқанда – деп Міржақып ақын айтпақшы , тарыдай болып кіріп, ақыл ойлары толысып, оң мен солын танып жақсы мен жаманды айыра білуді үйренген шәкірттеріміздің ұйымдастыруымен өткізілгелі отырған « Қош бол, бастауыш» мерекесін бастауға рұқсат етіңіздер! Қош келіпсіздер , құрметті ата – аналар, қымбатты әріптестер, оқушылар! Бүгінгі күн осында отырған бәріміз үшін ерекше күн. Оның ерекшелігі сол, осыдан 4 жыл бұрын мектеп табалдырығын жүрексіне аттаған балаларыңыз білімнің негізі болатын бастауышта оқып, білім алып, қанаттарын қатайтып бастауыш сыныппен қоштасқалы отыр. Толқимыз , толқып тұрсыз баршаңыз да Мұндай күй болған сірә қаншаңызда Қол соғып, қошеметтеп шақырайық 4- сыныптарды ортамызға! Музыка әуенімен бастауыш сынып түлектері ортаға келеді. Дильназ. Ән ұраным жан ұраным Айтар әнім ,сөйлер сөзім Туған жерді сағынарым, Мәңгі бақи шырқалады Республика ән ұраным.
Армандасаң да , қиялдасаңда балалық шағың көз алдыңа келеді. Өйткені, биік асуға беттеген аяулы ғұмыр, ғажайып өмір осынау бал күлкілі балалық шақтан басталады. Міне , бүгін біздің бүлдіршіндер өміріне өшпес із қалдырған бастауыш сыныбымен қоштасып, бір жылға тағы да есейгелі отыр.Ендеше қызықты да ғаламат өзгерістер сыйлаған , білім нәрімен сусындатқан ,өмірде өз жолдарын табуға жол сілтеген ұстаздарына,ата- аналарына өз өнерлерін көрсетуге дайын.Олай болса жүргізушілерімізді ортаға шақырайық! Диас: Армысыздар! Жаны жайсаң қазақ елі! Дильназ: Қайырлы күн! Қарыштаған Қазақстан, Асқақтаған Көкшетау жұртшылығы. Рахат: Көз салып қараңызшы бойымызға, Ортақ боп бүгінгі ойымызға. Қош келіпсіз ұстаздар, ата- аналар, Бастауышпен қоштасу тойымызға.
Алғыстарым көп менің. Ақыл - білім, тәрбиең, Ой-санама еккенің. Бүгінгі «Қош бол, бастауыш» атты мерекелік кешімізге қош қелдіңіздер! Дильназ: Осыдан 4 жыл бұрын, яғни 2009 жылдың 1 қыркүйегінде мектеп табалдырығын жүрексіне аттаған, кіп-кішкентай балғын бүлдіршіндер қандай болды екен? Диас: Олай болса, құрметті ұстаздар, ак пейілді ата-аналар және қонақтар сол бүлдіршіндердің тәтті де бал күндеріне көз жүгіртейік (экранға назар аударайық). СЛАЙД (1-сынып суреттері көрсетіледі) Рахат. Қыздардың билеуінде. «Қазақ биі». Диас : Бала шаққа болашақты жырлатып, Шәкірттерге ой түзеткен сымбатты . Күн нұрындай сәуле құйған көңілге, Армысыздар , ұстаздарым қымбатты! Дильназ: Армысыздар әжелер мен аналар Ұрпағыңыз күнде өзіңнен бата алар. Ел дәстүрін мәңгі сыйлап оқы деп, Үйреткен ғой Абай, Ыбырай бабалар Рахат: Армысыздар өр тұлғалы әкелер! Қыран құстай балапанын мәпелер. Бүгін міне бастауышпен қоштасады, Азамат боп , кешегі сәби- еркелер! Аружан:Армысың сен , алтын ұя мектебім Саған айтар жыр- алғысым көп менің Жүректерге жаққан білім шырағын , Мектебіме арналады бұл әнім! Диас : Дұрыс айтасың, Аружан ! Бұл мектептен қаншама адам тәлім алған десеңші.Менің атам да, әжем де , әкем де, анам да , енді мен де мектептен тәлім алудамын. Дильназ : Олай болса Диас алтын ұя мектебімізге арнап «Аяулы әнім мектебім» әнін шырқайық! Ән : «Аяулы әнім мектебім» Рахат : Иә мектебімізге қандай жыр арнасаң да жарасады. Ендеше сыныптастарымыз-дың мектепке арнаған жырларын тыңдайық Темирлан: Мектеп деген білім кені , жыр кені, Мектеп деген ғылымның ең үлкені. Мектеп деген тәрбиеші адамға. Мектеп деген даналардың мекені. Ақнұр: Мектебім- білім берер алтын ұям. Ер жетіп сенде сөзім, артты санам. Баулыған 4жыл бойы ата- анамдай. Әрқашан қасиетті атың маған. Арада өтсе дағы дүркіреп жыл , Әр күні балалықтай бір жүрек бұл. Өзіңе борыштармын өмір бойы Есейген шәкіртіңнің серті деп біл. Паша:Армысың сен алтын ұя мектебім, Саған айтар жыр алғысым көп менің. Жүректерге жаққан білім шырағын, Мақтан етем сені мәңгі мектебім. Диана:Ұлылықты ардақ тұтар үнемі, Алтын ұя, ақ босаға киелі. Қанат қаққан білім алып өзіңнен, Күллі шәкірт саған басын иеді. Дастан:Мектебім , алтын ұям , нұрың жарық, Жайнаттың үмітімнің гүлін жарып. Сүйкімді сенің күміс қоңырауың, Тұрады құлағымда сыңғыр қағып. Әсемгүл: Мектеп – үйім , ұстазым менің – ата- анам, Сеннен өсіп, сеннен ғана нәр алам. Саяң ыстық , сен мәуелі бәйтерек. Тамырланып , сан тарапқа тараған. Самалбай: Мектебім- сүйікті мектебім, Бауырыңда түлеймін , көктеймін. Сен – бұлақ, мен- қайың бүр ашқан, Өзіңнен нәр алып көктедім. Әдемау: Мектеп – кеме , білім – теңіз, Барар жерге тез жетеміз. Төрт жыл алған білім нәрін , Азық етіп ер жетеміз. Ән. « Мектебім » Дильназ: « Ұстаздық еткен жалықпас үйретуден балаға»,-деп Абай атамыз айтқандай , алғаш қолымызға қалам ұстатып, оңымыз бен солымызды танытқан, бізбен бірге қуанып, 42 әріпті танытып , білім нәрімен сусындатқан, мектептегі анамыз- ұстаз екені бәрімізге мәлім. Балалардың ұстазға арнаған ән -жырларын айтпас бұрын, ұстаз туралы не айтар едің Аружан? Аружан :Әр шәкіртін өз баласынан кем көрмей, оқуға , жазуға үйреткен мұғалім еңбегі шексіз. «Мұғалім – мектептің жүрегі» - деп Ыбырай атамыз бекер айтпаған. Рахат:Дұрыс айтасың Аружан,ғылым иесі ғалым да , ел қорғаған батыр да , тілінен бал тамған ақын да , тегеуріні темір балқытқан жұмысшы да, көкті шарлаған ғарышкер де, бәрі- бәрі ұстаздан білім мен тәрбие алған. Диас : Иә ,бұл туралы батыр Бауыржан атамыз: «Болашақтың басшысын да, данасын да, ғалымын да, еңбекқор егіншісін де, кеншісін де ұстаз өсіреді»деген екен. Олай болса келесі жырларымызды ұстаздарымызға арнаймыз! Дариға:Алғашқы ұстазымыз анамызбен тең келеді, Бар асылын бізге жиып , мол береді. Қанатымен су себелеп асыл жан, Әр шәкіртін баласынан кем көрмейді. Жанель:Тек үйреттің әділдікті , адалдықты, Жирендік , ажыраттық жамандықты. Жалғастырар ақ жолың сенің салған, Бар деп ұққын әрқашан балаң мықты. Дастан: Жарық күннен жылы жүзің елестер, Құлағымда өзің берген кеңестер. Жанарымда алыс тартқан қара жол, Көз жұмсам да көре тұғын белестер. Паша :Қоңыр үнді даусың әсем таңдардай , Ұстазымның жүзіндегі нұр қандай? Мейірлене қарап қойып біздерге, Күн астынан сабақ беріп тұрғандай Тоқжан: Ұстазым! Ұстазым өзің едің асқақ әнім,, Басталған ақ батаңнан жас талабым. Ұғындым ұлылықтың, даналықтың, Ұстаздың ұлағатынан басталарын. Мұғалім ұстазысың балалардың, Болашақ ғалымдардың , даналардың . Өмірде сенің алар орыныңа , Бірі де жеткізе алмас бағалардың. Диас.«Маржани» шығыс биі. Жанель:Алғашқы ұстаз, ерекше тұлға дара шың, Ұмытылмастай көңілде мәңгі қалатын. Сағына әркез суреттерді парақтап. Шәкірттерін жиі еске алатын. Тоқжан:Жаралған жақсы үмітпен мұраттардан , Жансыз ғой әлдилеген шуақты арман. Жатталады жан жүректе есіміңіз, Адамның аяулы үні сияқтанған. Дариға:Шәкірттер сіздерді айтып мақтанамыз, Бейнеңіз жүректерде сақталады. Біз әлі биіктерден көрінеміз, Үміт пен сеніміңіз ақталады . Бәрі : Мың алғыс сізге біздей түлектерден, Мың алғыспен отты жүректерден! Диас: Бүкіл жер бетіндегі ұстаздар қауымы шәкірттерін білім нәрімен сусындатып, ыстығы мен суығына төзеді. Біз күлсек бірге күліп, біздің көңіліміз болмаса жаны қалмай сұрап тұратын, ұлағатты ұстаздар қандай тамаша қауым! Мен мына, бүкіл адамзат баласының атынан алғыс білдіріп, тағзым етеміз! РАҚМЕТ СІЗГЕ, ҰСТАЗ!!! Дильназ: Оқыңдар ұл-кыздар деп, Күлімдеген ұстаздар. Ән арнадық арнайы, Тағзым ете, ұстаздар. «ҰСТАЗЫМ» әні орындалады. Диас: Иә осыдан 4 жыл бұрын , біз 6 жастағы сәби -балалар сөмкемізді зорға көтеріп,мектеп табалдырығын жасқана аттаған едік. Рахат: Енді міне сауатымызды ашып, білім негізін қалаған бастауыш мектеппен қоштасып, орта буын қатарына қосылғалы тұрмыз. Аружан: Иә, міне сағымдай өте шыққан 4жыл ішінде біздің ұстаз анамыз сауатты, тәрбиелі, өнегелі азамат етіп шығарды. Дильназ: Ендеше бастауыш сыныбымыз туралы неге айтпасқа ! Айдана : Жасқана кіріп жарық сыныпқа біз. Әр бетін Әліппенің күле ашқанбыз. Мұғалім сабақ өтіп жатқан кезде, Қайталап атымызды сұрасқанбыз. Әр үйдің ерке өскен тентегі едік, Ақылға келе алмадық ерте көніп. Бойымыз бірте- бірте үйренісіп. Мектептің ережесін үйрендік кеп. Ақнұр: Өмірдегі жолымды бір өзіңнен бастадым, «А»әрпін алғаш сеннен бастадым. Ұстазым естен кетпес мәңгілікке, Мейіріммен жауырынымнан қаққаның. Бірдей біздің ойымыз да , сырымыз, Бір мектептің ұлы менен қызымыз. Бірдей өстік оқуда да еңбекте, Күліп – ойнап біріміз бен біріміз. Дәнекер:Бастауышта шырқалмаған жыр бар ма? Бастауышта айтылмаған сыр бар ма? Бастауышта алған білім, жырларым, Азық болар , мәңгі талай жылдарға. Бастауышым- бал бұлағым , Алдым сеннен балдың дәмін. Әріп танып, білім алып Рахметімді жаудырамын. Әсемгүл : бастауышым- балбұлағым Лаулап жанған шам шырағым. Өзің берген біліміңмен, Самғап ұшар тау қыраның. Өтті сенде қызық шағым, Бастауышым- бал бұлағым. Қоштасар күн жетті міне, Қимастықпен қол бұлғаймын. Ән «Ғажайып түс көрдім ». Рахат: Біздің жамандығымызды жасырып, жақсылығымызды асырып жүрген біздің ата- анамыз. Қатарымыздың теңі болып , тамағымыз тоқ, көйлегіміздің көк болып жүруі де сол кісілердің арқасы. Аружан:Ыстық- ау кім- кімге де әке деген, Суыққа шалындырмай, мәпелеген. Өмірдің соқпағымен өрге тартып, Алдымен адам бол деп жетелеген- дегендей әкенің орны бөлек ау. Әдемау:Әкешім тілеуімді тілеп жүрген, Аумайсың жарығы мол ашық күннен. Шаршайсың жұмыс істеп біздер үшін. Ақылды балаларың оны білген. Диас: Әр ана өз баласын мейірімді болса екен, жақсы оқып,елге қалаулы азамат болса екен дейді. Халқымызда мынадай бір нақыл сөз бар: «Анаңды Меккеге үш рет арқалап барсаң да борышыңды өтей алмайсың» деген .Алайда ардақты анамыздың ақ сүтін ақтай білгенге не жетсін! Дильназ: Иә, дұрыс айтасың Диас. Біз болашақта саналы да, ақылды бала болып өссек ананың арманы орындалды деген осы емес пе? Айдана:Дүниеге әкелген ,ол да сенің анашың, Ақ сүт беріп өсірген , ол да сенің анашың. Тіл алмасаң кешірген , ол да сенің анашың, Мәпелеген баласын,аман болсын анашым! Темирлан:Кеудемнен сезім селі ақтарылсын, Болармын күні ертең- ақ мақтанышың. Білім алып, тер төгем , еңбек етем, Өзіңнің сеніміңді ақтау үшін! Рахат. Ақ жаулықтты әжелерге, ардақты аналарға арнап, « Ана» әнін қабыл алыңыздар. Аружан: Жетекші боп жүрдіңіз түлегіңе Біздерді ойлап көңіліңіз жүдеді де, Шәкірттер тыңдаңыздар ұстаз сөзін, Сіздерге арнап айтатын тілегін де- дей отырып сөз кезегін ұстазымызға береміз! Ұстаз тілегі: Ұстаздық ақ жүректен мен тілеймін, Тек сәттілік – шәкірттерім ертеңіңе. Айналайын жап- жарқын жүздеріңнен, Аластайтын жаныңды күз көңілден. Мен сендерге мәңгілік тілекшімін, Тілек тілеп тұратын іздеріңнен. Мектеп директорының құттықтау сөзі Марапаттау рәсімі Вальс (Бітірушілер вальсі) Диас: Шаттанамын мен бүгін шаттанамын, Ғылым сырын түсіндім, мақтанамын. Осы сырды үйреткен бастауышым, Түстей болып, міне бүгін артта қалдың. Дильназ:Төрт жыл бойы оқыған, Ойға білім тоқыған. Құрметті біздің балалар, Орындалды ойыңыз Құтты болсын тойымыз!
Елімнің сәулеті, сәні осында, Арманым, үмітім — бәрі осында.
(Ән орындалады) «Жаса Көкшетау» Рахат: Бастауышым -Балбұлағым, Аружан: Лаулап жансын шамшырағың. Диас: Өзің берген біліміңнен, Дильназ: Самғап ұшты тау қыраның. Рахат: Өтті қызықшағым, Аружан: Бастауышым -Балбұлағым Диас: Қоштасар күн жетті міне, Хормен: Қимастықпен қол бұлғаймыз! Қорытынды сөз, ата-аналарға , қонақтарға беріледі. «Тек Алға» әнімен қорыту. жүктеу/скачать 134,37 Kb. Достарыңызбен бөлісу:
|