1. №3 тақырып: Экстрапирамидті жүйе. Зерттеу әдістері және зақымдану синдромдары. Мишық. Қозғалыс координациясын және зақымдану синдромдарын зерттеу. Мақсаты
Гиперкинетикалық-гипотониялық синдромның клиникалық көріністері
жүктеу/скачать 24,75 Kb.
|
3 тақырып невро
| Гиперкинетикалық-гипотониялық синдромның клиникалық көріністері бұлшықет гипотониясымен және гиперкинездердің пайда болуымен сипатталады. Гиперкинездерді зерттеу кезінде ырғағына, сипатына, формасына, симметриялығына, қозғалыстың орналасуына назар аударады. Оларға ең тәндері мыналар болып табылады.
1. Хорея скорлупаның ұсақ жасушаларының, жоғарғы ми аяқшаларының , тісті ядро жасушаларының зақымдануына байланысты, балаларда бас миының ревматикалық аурулары кезінде ( кіші хорея ), ересектерде-энцефалиттер, ми жарақаттары, церебральды атеросклероз, базальды ядролардың дегенеративті өзгерістері (Г е н т и н г т о н хореясы), әйелдерде-жүктілік кезінде (жүктілер хореясы). Хореяға аяқ-қолдың, дененің, беттің, тілдің және жұмсақ таңдайдың проксималды бөлімдерінде ырғақты емес қозғалыстар тән. Олар жоғарғы амплитудамен ерекшеленеді және еркін қозғалысты, ымды, гримасты еске түсіреді. Науқастар шылпылдап, ыржыңдап, ауыздан тілін шығарады. Тілін бірнеше уақытқа сыртқа шыгарып ұстап тұра алмайды. Гиперкинездер толқыған кезінде күшейеді және ұйықтағанда жоғалады. 2. Атетоз энцефалиттер, тұқым қуалайтын-дегенеративті аурулар мен балалардың церебральды салдары кезінде жолақты дененің алғашқы зақымдануы салдарынан байқалады. Атетозға бұлшықеттердің баяу тоникалық қысқаруы тән, қитұрқы, құрт тәрізді, көбінесе аяқ — қолдың дистальды бөлімдерінде, сирек-бет пен дененің бұлшық еттерінде. Саусақтар кейде баяу бүгіледі, кейде алақан-фалангтық буындарда қатты жазылады. Бұл уақытта саусақтар мәнерлі пішінде болады. 3. Дистония энцефалиттер, ревматизм, жабық бас сүйек-ми жарақаты және тұқуым қуалайтын-дегенеративті аурулар кезінде скорлупаның немесе субталамиялық ядроның зақымдануы кезінде пайда болады. Дененің және аяқ-қолдардың бойымен штопор тәрізді күштемелі, ұзын осьтің айналасында дененің бұрылысына ұқсайтын, қимылдарды жасайды. 4. Гемибаллизм-гиперкинездің сирек түрі (грек. hemi-жартысы, balismos-секіру, билеу) субталамиялық ядро зақымданғанда, ми қан айналымының бұзылуында пайда болады. Допты лақтыру немесе итеруге ұқсайтын жылдам, үлкен гиперкинездер байқалады, көбіне дененің айналмалы қозғалысы болуы мүмкін. Бұлшық ет гипотониясымен бірігеді. 5. Миоклония бас ми қыртысының және төменгі құрылымдардың зақымдануы себебінен дамиды: қыртысасты құрылымдар, ми бағанындағы ретикулярлы формация, жұлын. Бұл жеке бұлшықет топтарының немесе жеке бұлшықеттердің тез, найзағайлы тартылуы (оқшауланған миоклония), қозғалыс кезінде тыныштықта сақталатын, толқыған кезінде күшейіп, ұйықтағанда жоғалады. Егер миоклония аясында емделушіде жалпы тырысу талмалары орын алса, онда миоклонус-эпилепсиясы туралы айтуға болады. 6. Миоритмия оливаның, көпірдің ретикулярлы формациясы, қызыл және тісті ядролардың зақымдануы кезінде пайда болады және қозғалысқа қарамастан (тілдің миоритмиясы, диафрагма, жұмсақ таңдай) туындайтын стереотипті қысқа, ырғақты бұлшықеттердің қысқаруымен сипатталады. Эпидемиялық энцефалит кезінде және бас сүйек-ми жарақатынан кейін болады. 7. Тиктер-ерікті қозғалыстарды имитациялайтын, әдетте, стереотиптік сипаттағы, жеке бұлшықет топтарының тез клоника-тоникалық, біртектес, күштемелі тартылуы, осыған орай "әдейі"жасайтындай әсер қалдырады. Беттегі тик жылдам маңдайды қысып, жыпылықтап, қасты көтерумен,тілді шығарумен көрінеді. Ерекше орынды импульсивті секіру, отырып тұру, гримастармен, дөрекі сөздері айқайлаумен (капролалия) көрінетін генерализацияланған тик Жиль де Ла Туретта алады. Тиктің пайда болуына функционалдық және органикалық факторлар рөл атқарады. 8. Бет параспазмы- тоникалық фазасы басым бет бұлшық етінің тоникалық-клоникалық тартылуы (көздің дөңгелек бұлшықетінің, ауыздың, маңдай бұлшықеттерінің спазмалары). Беттің гемиспазмы көз саңылауын тарылтатын, ауыз бұрышын бір жағынан созатын бұлшық еттердің құрысуымен сипатталады. 9. Саусақ спазмы (графоспазм) — жазу жазған кезде пайда болатын қол саусақтарының құрыспалы тартылуы. 10. Кәсіби құрысулар-белгілі бір кәсіби қозғалыстарға қатысатын бұлшық еттердің спазмы. Скрипкашылар, пианистер, гитаристер, машинистер және т. б. байқалады. 11. Ықылық-диафрагманың клоникалық құрысулары, тез тыныс алу қозғалыстарымен көрінеді. Ми қабығының немесе затының патологиялық үдерісімен, уланумен байланысты. жүктеу/скачать 24,75 Kb. Достарыңызбен бөлісу:
|