1 Қадашева Қ., Омарова С. К., Карипжанова Г. Т
№14 Сабақ ЛЕКСИКАЛЫҚ
жүктеу/скачать 5,41 Mb. Pdf көрінісі
|
Каз.яз-В1В2-1
- Бұл бет үшін навигация:
- Мәтінді оқыңыздар.
| №14 Сабақ
ЛЕКСИКАЛЫҚ ТАҚЫРЫП: Тағамтану. Ұлттық тағам. Мейрамхана бизнесі. ГРАММАТИКАЛЫҚ ТАҚЫРЫП: Есімше категориясы. Басым сөздер мен сөз тіркестерін оқыңыздар. 1. Тағамтану, тағам, ас, тоқымқағар, кәсіпкерлер. 2. Ұлттық тағам, қазақы дастарқан, дастарқан жаю, ерулік беру, ас беру, мейрамхана желісі, өзекті мәселе, табысты, қоғамдық тамақтану орны, 3. Қонақжай, дәмді. 4. Даярлау, дайындау, пісіру, қайнату, қонақ күту. Мәтінді оқыңыздар. Қазақстанда Қазақ тағамтану академиясы жұмыс істейді. Қазақ тағамтану академиясы қоғамдық денсаулық сақтау саласының ең маңызды тағамтану мәселелерін белгілейді. Барлық қалада, оның аудандық орталықтарында саламатты тамақтану (арақ ішпеу, темекі тартпау, нашақорлыққа салынбау) орталықтары ашылып жатыр. Тағамтану академиясы мамандарының айтуынша, қазақстандықтар дұрыс тамақтанбағандықтан, олардың ағзасында түрлі дәрумендердің жетіспейтіндігі байқалады. Тағамтану академиясының жетекшісі Төрегелді Шарманов қазақстандықтардың тағамы сапалы деп есептейді. Қазақ тағамтану академиясы бие сүтінің негізінде өнім шығара бастады. Бие сүтінен шоколад, торт, ірімшік, йогурт жасайды. Қазақ халқы асты, тағамды өте құрметтеген. Дастарқан жайып, дәмді тағам пісіріп, асты жақсы ағаштан, шыныдан оюлап, өрнек салынған ыдыстармен берген. Олар: ағаш астау, қымызға арналған ыдыс, шайнектің ішіндегі ыстықты сақтайтын, жүннен жасалған қаптама және т.б. Мәдениетімізде ас беру арқылы адамға құрмет көрсету қалыптасқан. Ерулік беру, тоқымқағар, сый табақ сияқты көпшілікті сыйлы қонақ ретінде шақырып, ас берген. Бұл қазақ халқының қонақжай ел екенін көрсетеді. Қазақ халқының ұлттық тағамдары адамдардың денсаулығына аса пайдалы әрі күш-қуат беретін тағамдардан жасалады. Жылқы еті, қаз, күркетауық еті, қымыз, балқаймақ, жент сияқты тағам түрлері алыс-жақын елдерді қызықтыруда. 91 Әжелеріміз бен аналарымыз ұлттық тағамдарымызды дайындау дәстүрін осы күнге дейін сақтап келеді. Олар қымыз-шұбат, құрт-ірімшік жасауды ұрпағына үйретіп отырады. Халқымыз ұлттық тағамдарды ерекше дәмді даярлауды өнер деп бағалаған. Соңғы уақытта Қазақстанның барлық өңірлерінде мейрамхана бизнесі ерекше дамып келеді. Жеке кәсіпкерлер түрлі ұлттық тағамдарды даярлайтын мейрамханалар ашып, өз қонақтарын күтеді. Еліміздің бас қалаларында қазақ, өзбек, ұйғыр, қытай, еуропа елдерінің ұлттық тағамдарын дайындайтын мейрамханалар желісі адамдар үшін тәуліктің таңнан түн ортасына дейін өз қызметін көрсетеді. Бүгінгі таңда мейрамханалық кәсіптің дамуы өзекті мәселеге айналып отыр. Әрі табысты, әрі пайдалы кәсіп түрі болып саналады. Қазақстандық кәсіпкерлер мейрамхана бизнесіне инвестиция салуда. Осыған орай, Астана қаласында қоғамдық тамақтандыру саласы жақсы дамып келеді. Соңғы жылдары көптеген мейрамханалар мен дәмханалар ашылып, сәтті жұмыс істеуде. Сондықтан қоғамдық тамақтану саласына деген сұраныс та артып келеді. жүктеу/скачать 5,41 Mb. Достарыңызбен бөлісу:
|