92
Көршіңіз дәстүріміз бойынша Сізге ерулік беру үшін үйіне қонаққа
шақырды. Сіз басқа елден келген қонақсыз. Сіз үшін бәрі қызық: білгіңіз,
көргіңіз келеді. Қонаққа барыңыз. Сіз көршіңізге сұрақ қойыңыз. Жауабын
өзіңіз айтыңыз.
4-жаттығу.
Екі сөйлемді оқып, оның мағынасын түсіндіріңіздер.
А) Олар қымыз-шұбат, құрт-ірімшік жасауды ұрпағына үйретіп
отырады.
Ә) Халқымыз ұлттық тағамдарды ерекше дәмді даярлауды өнер деп
бағалаған.
5-жаттығу.
Сөйлем ішіндегі белсенді лексиканы тауып, астын
сызыңыздар. Сөздің мағынасын түсіндіріңіздер және ондағы ойды басқаша
түсіндіріңіздер.
Соңғы жылдары Қазақстанның барлық өңірлерінде мейрамхана
бизнесі ерекше дамып келеді. Жеке кәсіпкерлер түрлі ұлттық тағамдарды
даярлайтын мейрамханалар ашып, өз қонақтарын күтеді. Еліміздің бас
қалаларында қазақ, өзбек, ұйғыр, қытай, еуропа елдерінің ұлттық
тағамдарын дайындайтын мейрамханалар желісі адамдар үшін тәуліктің
таңнан түн ортасына дейін өз қызметін көрсетеді.
Достарыңызбен бөлісу: 
