1 Қадашева Қ., Омарова С. К., Карипжанова Г. Т
жүктеу/скачать 5,41 Mb. Pdf көрінісі
|
Каз.яз-В1В2-1
- Бұл бет үшін навигация:
- Мәтінді оқыңыздар.
|
№25 Сабақ ЛЕКСИКАЛЫҚ ТАҚЫРЫП: Сәулет және құрылыс өнері. Көне және заманауи ескерткіштер ГРАММАТИКАЛЫҚ ТАҚЫРЫП: Мақсат мәнді сөйлем Басым сөздер мен сөз тіркестерін оқыңыздар. 1. Сәулет, құрылыс, ескерткіш, алаң, балшық, ағаш, кесене, мазар, сарай, алаң, қамыс, шебер, құрылысшы, ойын-сауық, мұра, туынды тал шыбық. 2. Сәулет өнері, мәдени ескерткіш, спорт кешені, халық шеберлері. 3. Сәулетті, салтанатты, көне, заманауи, биік, мықты. 4. Жобалау, салу, айналасу, өмір сүру. Мәтінді оқыңыздар. Қазақ сәулет өнері – ғимараттарды, құрылыстар мен ескерткіштер кешендерін жобалау, салу, оларға уақыт талабына сай эстетикалық көркемдік сипат беру өнерінің ұлттық саласы. Сәулет өнері ежелден келе жатқан бейнелеу өнерінің бір саласы болып табылады. Сәулет өнері – техниканың, ғылымның және өнердің тоғысқан жері. Қазіргі заманда адамдар сәулетті де салтанатты өмір сүргілері келеді. Сондықтан сәулет өнері де адамдардың талғамына қарай дамып отырады. Адам баласы көне заманнан бастап құрылыспен айналысқан. Олар үйді қамыстан, балшықтан, ағаштан, тал шыбықтардан салған. Тіпті су айдынында да үй тұрғызып үйренген. Ғасырдан ғасырға мұра болып 163 келген сәулет өнері туындылары архитектуралық ескерткіштер қатарына жатады. Қазіргі таңда Қазақстанның сәулет құрылысы үлкен өзгерістерге ұшырады. Тек Астана қаласында ғана емес, сонымен қатар Қазақстанның басқа қалаларында да көз тартар тұрғын үйлер, офистер, банктер, мәдени ескерткіштер, спорт кешендері мен басқа да ерекше сәулетпен ғимараттар салынды. Қазақстан жерінде көне және заманауи ескерткіштер өте көп кездеседі. Солардың бірі – Орта Азия мен Қазақстандағы көне қала Түркістан. Ахмет Йасауи кесенесі – Түркістан қаласында XIV ғасырдың соңында салынған архитектуралық ғимарат. Оны бүкіл қазақ халқы, түркі әлемі ерекше қасиет тұтады. Ол XII ғасырда өмір сүрген бүкіл Шығысқа аты әйгілі, көне түркі ақыны Ахмет Йасауидің құрметіне орнатылған. Қазақстанның көне қалаларының бірі – Тараз. Тараз жерінде атақты Айша бибі кесенесі орналасқан. Ол XII ғасырдағы сәулет өнерінің көрнекті ескерткіші болып саналады. Айша бибі – тарихтан белгілі Қараханның әйелі. Күмбезді сол Қарахан салдырған. Алаша хан кесенесі – сәулет өнерінің басты бір ескерткіші. Мазар халық шеберлерінің қолымен XI-XII ғасырларда Алаша ханның құрметіне салынған. Оның есімі қазақтың үш жүзінің пайда болуымен тікелей байланысты. Бүгінгі күні Астана – еліміздің ең ірі құрылыс алаңдарының бірі. Есіл өзенінің сол жағалауында бой көтерген көрікті жерлер туристерді өзінің сәулетімен таңғалдырады. Астанадағы көрікті ғимараттардың бірі – Тәуелсіздік сарайы. Оны әлемнің сегізінші кереметі деп атайды. Астана-Бәйтерек монументі – тәуелсіз Қазақстанның символы. Бәйтерек өз тарихи тамырын сақтаған, мықты тірегі бар және болашақ гүлденуге талпынған мемлекетті бейнелейді. Астана символының бірі – «Хан шатыры». Бұл Орталық Азиядағы ең үлкен сауда және ойын-сауық орталығы. Ол – шатыр пішінінде салынған әлемдегі ең биік ғимарат. жүктеу/скачать 5,41 Mb. Достарыңызбен бөлісу:
|