3. Хроматограмманың пайда болуы 1,5-2 сағаттай уақыт аралығында еріткіш 10-12 см-дей жерге көтеріледі. Белгілі уақыттан кейін хроматограмманы камерадан алып, оны 15 минуттай қызуы 50-80 °С кептіргіш шкафта кептіреді. Бұл фенолдан арылу үшін керек. Осыдан кейін қағаздағы хроматограмманы ашу үшін, оны 0,2 %-дық нингидриннің ацетондағы ерітіндісімен пульверизатор арқылы бүркіп шашады. Соңынан тағы да 5 минут 70-90 °С-да кептіргіш шкафта құрғатады. Міне, осы кезде оның бетінде күлгін түсті амин қышқылдарының дақтары пайда болады. Осы дақтар мен оның орналасу жағдайлары әрбір амин қышқылдары үшін әр түрлі. Зерттелетін ерітіндіден түскен дақтардың орналасу жағдайы мен стандарттан түскен дақтардың орналасу жағдайларын салыстыра отырып, зерттелетін ерітінділердің қоспасында жоғарыда тамызылған амин қышқылдарының бар, не жоқтығын анықтайды.
