2. Хроматографиялық камерада хроматограмманың орналасуы
«Жоғары қарай жылжитын» хроматограмманы алу үшін қағаздан түтік жасап, шетін бір-біріне тиместей етіп тігеді, немесе қыстырғышпен бекітеді. Осылай түтік сияқты оралған қағазды хроматографиялық ыдысқа анықталатын және стандартты ерітінділердің тамшылары тамызылған жағына орналастырады. Ыдыстың түбіне фенолдың сумен қаныққан ерітіндісін құяды. Қағаз камераның қабырғасына тимеуі керек. Ыдыстың аузын шыны қақпақшамен тығыз етіп жауып, 35-40 °С температурада термостаттың ішіне 1,5-2 сағатқа қояды.
"Төмен карай жылжитын" хроматограмманы алу үшін, ерітінділер тамызылған қағаздың ұшын алдын-ала 0,5 см-дей етіп қайырып, ішіне фенолдың сумен қаныққан ерітіндісі құйылған арнайы қайықшаға батырып, шыны пластинкалар немесе таяқшалар арқылы бекітеді. Қағазы бар қайықшаны, ол еркін тік салбырап тұратыңдай етіп, әрі камераның қабырғасына жанаспайтындай етіп, хроматографиялық ыдыстың жоғары жағына орналастырады. Ыдыстың (камераның) аузын шыны қақпақшамен тығыз етіп жауып, дәл жоғарыда көрсетілгендей етiп, мұны да 35-40 °С температурада термостаттың ішінде 1,5-2 сағат ұстайды.
Достарыңызбен бөлісу: |
