Кешенді түскі ас (таңғы ас және түскі ас) мәзірі жұмысшылар, студенттер, оқушылар және басқа тамақтанатын контингентке құрылады. Кешенді түскі ас (таңғы ас және кешкі ас) мәзірін құруда рационалды тамақтану нормаларымен қатар, рацион құны, тағам құрамына кіретін өнімдердің алуан-түрлілігі мен организмге қажетті ақуыздар, майлар, көмірсулар, минералды тұздар мен витаминдердің кешені ескерледі. Кешенді ас мәзірі құрамына салқын тісбасар, көже, екінші ыстық тағам және десерт кіреді. Кешінді түскі ас, кешкі ас немесе таңғы ас мәзірінде әр тағамның бағасымен қатар, жалпы құны көрсетіледі. Бұл мәзір тамақтанушы контингенті тұрақты кәсіпорындарда –өндірістік кәсіпорындағы, оқу орнындағы асханаларда қолданылады; мейрамханаларда жылдам қызмет көрсету үшін қолданылу мүмкін. Ас мәзірі тағам құрамы мен бағасы бойынша ерекшеленетін алдын-ала екі нұсқауда құру ұсынылады. Жұмышы, студент және оқушылар асханаларында кешенді түскі ас (таңғы ас және кешкі ас) мәзірін 7-10 күнге арнап құрастырады, бұл тағамдар ассортимент апта немесе декада күндері бойынша түрлендіру мүмкіндігін береді.
