10. Этика мәселелері жөніндегі Комиссия. Құрамы. Функциялары. . Комиссия өз қызметін комиссия туралы Ережеге, стандартты операциялық рәсімдерге сәйкес жүзеге асырады, осы стандарттың және Қазақстан Республикасы заңнамасының талаптарын сақтайды. Комиссия құрамын және комиссия туралы ережені клиникалық базаның бірінші басшысы бекітеді.
- Этика мәселелері жөніндегі Комиссия сыналушылардың құқықтарын, қауіпсіздігі мен денсаулығын қорғайды, бұл ретте осал сыналушыларға ерекше назар аударылады.
- Комиссия зерттеуші біліктілігінің оның ғылыми өмірбаянының және/немесе басқа да тиісті құжаттамасының негізінде сәйкестігін бағалайды.
- Комиссия сыналушының зерттеуге/сынаққа қатысуға келісімін оның заңды өкілі берген жағдайда, ұсынылған хаттама және/немесе басқа құжаттама Қазақстан Республикасының этикалық нормалары мен заңнамасына осындай зерттеулер/сынақтарға арналған талаптарға сәйкес болуын талап етеді.
- Комиссия сыналушыға төлем мөлшері мен тәртібін қарайды. Сыналушыға төлем мөлшері зерттеу/сынақ басталғанға дейін анықталады және сыналушының зерттеуді/сынақты толық аяқтағанына немесе аяқталмауына байланысты емес.
