39.Дене салмағының төмендеуі(гипотрофия,БЭН) және балалардағы дене\бой ұзындығының өспеуі,себебі,салдары. Гипотрофия - дене салмағының жетіспеушілігі, ол баланың организміне қоректік заттардың сапасыз түсуінен туындайды.Гипотрофия диагнозы белгіленген жас мөлшерімен салыстырғанда салмақтың артта қалуы 10% -дан жоғары болса қойылады.
Балаларда гипотрофия пайда болған кезде келесідей болады:
Туа біткен (пренатальды). Ол жүктілік кезінде дамиды. Мәселенің негізінде -плацентарлы қан айналымының бұзылуы жатыр. Нәтижесінде ұрықтың гипоксиясы байқалады, трофикалық процестер баяулайды. Жатырішілік өсудің тежелуі диагноз қойылады.
Постнатальды (жүре пайда болған). Жүре пайда болған гипотрофияның даму механизмінде жеткіліксіз тамақтану, сапасыз тағам қорыту , қоректік заттарды сіңіру салдарынан белок-энергия тапшылығы жатыр. Өсіп келе жатқан организмнің энергия шығындарын тамақпен өтеуге болмайды.
Аралас. Бұл пренатальды кезеңдегі ұрыққа әсер ететін қолайсыз факторлардың және туылғаннан кейінгі теріс инфекциялық ,алиментарлық , әлеуметтік әсерлердің жиынтығы.
