| Тұсау кесер (салт). Сәбиді қаз тұрғаннан кейін тез жүріп кетсін деген тілекпен жасалатын ғұрып, ырым. Ол үшін арнайы ала жіп дайындалады. Сол жіппен баланың аяғын кәдімгідей тұсап, оны ауылдың қадірлі ел анасына немесе он үшке толмаған жүйрік жасбалаға кестіреді.
Тұсауы кесілген баланы қолынан ұстап тез жүгіртеді, шашу шашылады. Осы кезде тұсау кесу жыры айтылады. Тұсау кесердің жібін дайындаудың бірнеше түрлері, жолдары, сенімдері де бар. Көбейіп, көгере берсін деп көк шөптен есіп жасайды. Бай болсын деп малдың тоқ ішегінен де өреді. Адал болсын деп ала жіптен де жасайды.
Достарыңызбен бөлісу: |
