1-тапсырма. Мәтінді мұқият тыңда. Мәтін бойынша 5 тірек сөзді түртіп ал.
Пошта конвертін хаттың «киімі» деуге болады. Ертеректе хатты қайыңның қабығына жазып, хабаршылар арқылы таратып отырған. Олар хаттарды мәтіні ішкі жағында қалатындай етіп бүктеп қоятын. Хатты қайда және кімге апаратынын жазатын орын болмағандықтан, оны басқа ағаш қабыққа жазып, хатпен бірге жіппен байлап қоятын.
Мұндай хаттарды жіберу ыңғайсыз болды. 1820 жылы ағылшынның қағаз сатушы саудагері Бревер хат салатын қалташа жасап шығарды. Ол «конверт» деп аталды. «Конверт» сөзі «орап қою», «айналдыру, бұрау» деген мағынаны білдіреді. Көп кешікпей конверт хаттан бөлініп, оның сыртқы «киіміне» айналды.
Тірек сөздер: --------------------------------------------------------------------------------------------------------------------------------------------------------------------
• Сұрақтарға жауап бер.
1) «Конверт» сөзі қандай мағынаны білдіреді?
2) Алғашқы конверт қашан және қай елде пайда болды?
3) Адамдардың конвертті ойлап табуына не әсер етті деп ойлайсың?
Достарыңызбен бөлісу: |
