Жүрек гликозидтеріне жалпы сипаттама. Әсер ету механизмі. Негізгі топтары.
Оймақгүл препараттарына жалпы сипаттама. Препараттары. Емдік және кері әсері.
Жалынгүл, меруертгүл және строфант топтарына жалпы сипаттама. Әсер ету ерекшеліктері. Емдік әсері.
Спазмолитиктер. Әсер ету механизмі. Препараттары. Қолданылуы.
Дәрістің мақсаты
Жүрек гликозидтеріне жататын негізгі дәрілік заттардың фармакологиялық әсер ету механизмін білу. Олардың алыну көздерін, әсер ету бастамаларын (гликозидтері), әр топқа жататын гликозидтердің әсер ету ерекшеліктері мен қолданылу мөлшерлерін, қолдануға болатын және қолдануға болмайтын кездерін, әр түрлі мүшелер мен жүйелерге әсер ету ерекшеліктерін меңгеру. Спазмолитиктердің әсер ету механизмін, препараттарын, қолдану мөлшерлері мен ерекшеліктерін түсіну.
Гликозидтер өсімдіктерден алынатын эфир тәрізді, ыдырағанда қантты және қантсыз бөліктерге ыдырайтын азотсыз органикалық қосылыстар. Фармакологиялық белсенділігі. Гликозидтердің түрлері. Жүрекке фармакологиялық әсер ету механизмі.Олардың әсерінен жүректің ырғақтылығы, импульстарды өткізгіштігі, қозғыштығы, автоматизмі жақсарады, систолалық жиырылуы күшейеді, диастолалық босаңсуы ұзарады. Әсер ету бірлігі бойынша дозаланады. Ұзақ қолданса кумулятивті әсер пайда болады. Әсер етуі және қолданылуы бойынша төмендегідей бірнеше топқа бөлінеді
