2 ҚҰЛАҚтандыру
жүктеу/скачать 1,47 Mb. Pdf көрінісі
|
alash kosemsozi 10 tom
|
СІБІР ДУМАСЫ Январьдің ортасында жалпы Сібір сиезінің сайлап кеткен Уақытша Хүкіметі шақырған дума депутаттары Том қаласына жинала бастаған. Кеңесті ресми етіп ашуға депутаттардың көбі мезгілінде келе алмаған. Келгендері жабық кеңес құрып, жұмысқа кіріскен. Депутаттар түгел келіп болған соң кеңес ресми рәуіште ашылған. Жаңадан хүкімет сайланып, 14 кісі министр қойылған. Сібір думасы большевик хүкіметінен Сібірден құрылтайға барған депутаттарды босатуын сұраған. Одан бұрын да өштесіп, Сібір автономиясына қарсы тұрған күнбатыс Сібір мен Том жұмыскерлері һәм солдаттар советі қаулы жасаған. «Сібір думасы еріккендердің ермегі қойылсын; Сібір хүкіметі һәм депутаттары түрмеге жабылсын» деп большевиктер депутаттар пәтеріне келіп, ұстап абақтыға жапқан. Қалғандары жасырынып қашқан бойынша Чина қаласына барып, Маньчжуриямен екі аралық жерде қызметтерін қоймай, большевиктерге қарсы қам қылу жабдығында деген соз шығады. |