Медет Ел хабарлары ҚАПАЛ Тұрысбек, Маман балалары қаулы қылып, биылға зекетін ұлт пайдасы үшін шығарды.
Ауыл-аймағымен шығарған зекеті 24 мың сом болды. Бұл ақшаның 14 мыңын өздерінің
неше жылдан бері тәрбиелеп келе жатқан мектеп пайдасына салған. 10 мыңын еліндегі
аш-жалаңаштар пайдасына бермек болды.
ЗАЙСАН Февраль аяғында Зайсанда қазақ сиезі болды. Сиез қаулысы: қазақ ісін қазақ басқарсын.
Сол мақсатта «Алаш ұраны» атты ұйым ашылды. Ұрыға, ел бұзушыға тиым салуға қаулы
болып, 28 бапты ереже жасалды. Обласной қазақ комитетінің көрсеткен жобасымен
жүруге жұрт қол қойды. Бұл сиез һәм қаулыны бір участкедегі 11 болыс ел һәм қала
қазағы тегіс қабылдады.
