8. «Үш қиян» толғауы бойынша өлең авторы мен есімдері аталған тарихи тұлғаларды ажыратып, олардың елге қосқан үлесін салыстыра жазыңыз.
9. Төменде берілген әдеби сындардың біріне сүйене отырып, өзіндік сыни пікір жазыңыз. 1. «Исі қазақ, жері шапқыншылықтан құтылғанымен, Тарбағатай, Жонғар қақпасы, Барлық таулары тұсында шекаралық қақтығыстар тиылмаған. Ел көші артта қалғанымен, батырлар сол жау өтінде жүрген. Ал «Еңлік-Кебек» оқиғасы кезінде Тоқтамыс батыр жорықта жүреді. Ал осыдан біраз уақыт бұрын жуантай Бақай мен Матай Маян батыр жер үшін жекпе-жекке шығып, екеуі мерт болады. Бұл елге қатты батады. Сыртқы жауға бірігіп соғысқан батырлар отбасында өледі. Содан исі-арғын-найман-керей-уақ билері келіп, матай мен тобықтының дауын күшпен басып, төрелік айтады. Еңлік-Кебек сол өліарада өтеді де, Кеңгірбай ескі кекті ушықтырмас үшін қос ғашықты оқтың ұшына байлап береді».
Әдебиетші, ғалым Т.Жұртпай
2. Шәкәрім Құдайбердіұлының көлемді поэмалық шығармаларының бірі - «Еңлік-Кебек». ХХ ғасырдың бас кезінде феодалдық кертартпа салттар әліде біржолата жоғалмай тұрған дәуірде Шәкәрімнің сол ескілікке қарсы шығып, Еңілік пен Кебектің жазықсыз өлімін жырлауы жаңа қадам, жақсы талап еді. Сондықтан да мұны Шәкәрім шығармашылығының аса бағалы жағы ретінде қарау қажет.
Еңілік пен Кебек шығармада махаббат еркіндігін аңсаған, бүкіл адамзатқа тән қасиеттері мол жас жандар ретінде көрінеді. Олардың арасындағы махаббат сезімі шынайы адамгершілікпен ұштасып жатады.
Мүсілім Базарбаев
[10]
