Зерттеудің міндеттері: 1. Жалпы орта мектептерде оқушыларды отансүйгіштікке тәрбиелеудің мәнін, құрылымын және міндеттерін айқындау.
2. Қазіргі мектептің тәжірибесінде оқу процесінде оқушыларды отансүйгіштікке тәрбиелеудің мүмкіндіктерін ашу.
3. Оқу процесінде оқушылардың отансүйгіштік сезімдерін қалыптастыру тиімділігінің педагогикалық шарттарын айқындау.
4. Педагогикалық пәндерді оқытуда оқушылардың отансүйгіштік сезімдерін қалыптастыру әдістемесін жасау және эксперименттік – тәжірибе жүзінде тексеру.
Зерттеудің жетекші идеясы –мектептерде оқушыларды отансүйгіштікке тәрбиелеуге мақсатты түрде бағытталған оқу процесі болашақ мамандардың патриоттық сезімдерін қалыптастыруға негіз болады.
Зерттеу жұмысымыздың әдіснамалық және теориялық негізінежеке тұлға туралы теория; таным теориясы; жеке тұлғалық іс - әрекет теориясы; тәрбиелеуші оқытудың тұжырымдамалық негіздері; оқушыларды тәрбиелеудің тұжырымдамалық ережелері; отансүйгіштікке тәрбиелеудің мәнін анықтайтын философиялық, психологиялық, педагогикалық тұжырымдамалар жатады.
